21/07/2026
Hai un ano soñabamos con crear unha ruta diferente. Hoxe, despois da segunda edición, só podemos dicir unha palabra: grazas.
Grazas por esgotar todas as entradas, por encher Córgomo de vida, por brindar, rir, bailar e facer que a Ruta das Airas sexa moito máis ca un evento.
Sabemos que non todo foi perfecto.
Somos os primeiros en recoñecer que aínda temos cousas que aprender, mellorar e perfeccionar. Se nalgún momento algo non estivo á altura das vosas expectativas, pedímosvos desculpas de corazón.
Cada edición ensínanos algo novo. E esta, que supuxo un salto enorme con respecto á primeira, deixounos moitas ideas para seguir medrando. Xa estamos traballando para que a próxima Ruta das Airas estea aínda mellor organizada, coidando cada detalle e facendo que a experiencia sexa a mellor posible para todas e todos.
Porque detrás de cada decisión hai un único obxectivo: que quen nos elixa marche para a casa coa sensación de querer volver.
Nada disto sería posible sen o traballo incansable de familiares e amigos. Grazas por deixarvos a alma para que todo saíse adiante.
E, sobre todo, grazas a vós.
Por confiar nun grupo de persoas que organiza isto con moitísima ilusión, con horas de traballo que non se ven e cunha única intención: facer algo bonito para o noso pobo e para todos os que nos visitades.
Porque detrás da Ruta das Airas estamos catro vinteañeiros cunha ilusión enorme, que adican centos de horas a pensar, organizar, cargar, limpar, mercar, cociñar e intentar que todo saia o mellor posible. Non somos unha gran empresa nin un equipo profesional, pero si somos catro persoas que poñen todo o corazón neste proxecto e que cada ano queren facelo un pouco mellor.
Isto non remata aquí.
É só o comezo.
Vémonos na III Ruta das Airas. ❤️
