25/11/2025
Txindokiko KB, ilusio haundiz berreraiki genuen proiektutxoa.
urte luzez falta izan du Txindokik kilometro bertikal bat, eta falta hori sumatzen genuenez, 2020an ekin genion txindokiko KB berreskuratzeari. Pandemiak urte bete atzeratu zuen txindokiko kb-aren itzulera, baina 2021ean argia ikusi zuen berriro bertikal berezi honek. Lehenengo eguneko ilusio berarekin antolatu ditugu Janirek eta Igonek lasterketa honek izan dituen edizio guztiak, ekaitzito, Esku , Jon Ander eta ondoan izan ditugun boluntario zoragarrien laguntzarekin.
Hala ere, borroka asko egin behar izan dugu zeinbait entitateekin eta babes falta handia somatu ere bai. Horrek guztiak txindokiko kb-ko zuzendaritza uztera eraman gaitu. Hala ere, lortu dugu amesten genuena, Euskal Herriko mendi eder eta berezi honek merezi zuen kilometro bertikala berreskuratzea. Orain, proiektu honi ilusioz eta gogoz eutsiko dioten Abaltzisketako gazte taldeari utziko diegu lekukoa.
Zorte on txindokikokb-ko etapa berri honetako parte izango zareten guztioi! eta MILA ESKER bide honetan ondoan izan zareten guztioi!Guk, egunero, Txindoki mendiaren edertasunari zirraraz begiratzen jarraituko diogu.