Føroyahúsið

14/09/2026

🇫🇴 60+ MIKUDAGIN, 16. SEPTEMBUR 🇫🇴

So er tað í ovurmorgin, mikudagin, 16. septembur at 60+ aftur er á skránni í Føroyahúsinum

Kl. 13:00 til 16:00, verður borðreitt við einum góðum bita og hugnaligari samveru.

Eisini verður áhugaverdur stuttfilmur frá fyrstu Regatta í Ishøj vístur.
Filmurin er tikin upp í 1987, so tað verður ein forkunnug ferð 40 ár aftur í tíðina 🎥☺️

Tak tínar bestu vinir undir armin og komið og njótið felagsskapin saman við fantastisku sjálvbodnu fyriskiparunum, sum borga fyri einum sera hugnaligum tiltaki.

Kostnaður kr. 70,-
Melda teg til í seinasta lagi kl. 17:00 í morgin, týsdag, 15. septembur.

Antin á: [email protected] ella send eini sms-boð: 31 17 48 68
Goldið verður við korti ella MobilePay, tá tit koma innar.

14/09/2026

Lestrarstarv í Ráðgevingini

Ráðgevingin søkir eftir einum fólki við vitan og førleika innan KT og SOME.

Ráðgevingin fyri føroyingar í Danmark er ein sjálvsognarstovnur, hvørs endamál er, at veita føroyingum í Danmark ráðgeving og vegleiðing í sosialum, persónligum og útbúgvingarligum viðurskiftum. Í Ráðgevingini starvast tveir sosialráðgevar.

Ráðgevingin hevur skrivstovu á Norður Bryggjuni, Strandgade 91, 4., Keypmannahavn.

Ráðgevingin ynskir at miðla meira vitan og kunning á sosialu miðlunum, og okkum tørvar íblástur, vitan og amboð til hesa uppgávu.

Vit ynskja okkum ein lesandi, sum hevur innlit í og førleikar at skapa og brúka sosialar miðlar við fakligum innihaldi.

Talan er um eitt lestrarstarv áleið 25-30 tímar um mánaðin í eitt avmarkað tíðskeið, fyribils í seks mánaðir. Løn sambært sáttmála.

Hevur hetta tín áhuga er tú vælkomin at senda okkum eina umsókn til [email protected] í seinasta lagi 25. september 2026

Hevur tú spurningar er tú vælkomin at ringja til Bjørg Svartá ella Ingrid Jensen á 33239980.

09/09/2026

Um eina viku, mikudagin, 16. septembur 2026 bjóða vit tykkum aftur vælkomnum til 60+ í Føroyahúsinum 🇫🇴

Kl. 13:00 til 16:00, verður borðreitt við einum góðum bita og hugnaligari samveru.
Tak tínar bestu vinir undir armin og komið og njótið felagsskapin saman við fantastisku sjálvbodnu fyriskiparunum, sum borga fyri einum sera hugnaligum tiltaki.

Kostnaður kr. 70,-
Melda teg til í seinasta lagi kl. 17:00 dagin fyri, týsdag, 15. septembur.
Antin á: [email protected] ella send eini sms-boð: 31 17 48 68
Goldið verður við korti ella MobilePay, tá tit koma innar.

01/09/2026

So eru bert tríggir dagar eftir 🥳
Kvissin byrjar kl. 21:00 og dyrnar lata upp kl. 20:00
Vit síggjast fríggjakvøldið 🥳

PUBBKVISS 4. SEPTEMBUR 🥳

Fríggjakvøldið, 4. septembur kl. 21:00 er fyrsta pubbkvissin eftir summarfrítíðina á skránni.
Dyrnar lata upp kl. 20:00

Jóhann Jensen er kvissvertur hetta kvøldið, og stendur fyri hugfloygdu, stuttligu og fjøltáttaðu spurningunum, ið bjóða vitan tíni um m.a. søgu, politikk, ítrótt, tónleik, mentan og landalæru av.

Øll eru so hjartaliga vælkomin og vit gleða okkum at síggja tykkum aftur❣️

28/08/2026

PUBBKVISS 4. SEPTEMBUR 🥳

Fríggjakvøldið, 4. septembur kl. 21:00 er fyrsta pubbkvissin eftir summarfrítíðina á skránni.
Dyrnar lata upp kl. 20:00

Jóhann Jensen er kvissvertur hetta kvøldið, og stendur fyri hugfloygdu, stuttligu og fjøltáttaðu spurningunum, ið bjóða vitan tíni um m.a. søgu, politikk, ítrótt, tónleik, mentan og landalæru av.

Øll eru so hjartaliga vælkomin og vit gleða okkum at síggja tykkum aftur❣️

27/08/2026

Føroyahúsið - Copenhagen Jazz Festival 2026

Tað var ein heiður fyri fyrstu ferð at vera partur av Copenhagen Jazz Festival.

Mánakvøldið, 6. juli, var Føroyahúsið karmur um eitt stórfingið tónlistaligt kvøld.
Heili fýra føroyskir bólkar vóru á palli og góvu mongu áhoyrarunum eina frálíka og fjølbroytta tónlistaliga uppliving við bæði vælsvingandi og mjúkum jazzi og eisini meira tungum og rokkutum tónum.
Vit takka so hjartaliga øllum tykkum dugnaligu tónleikarum og ljóðfólki, ið gjørdu 6. juli til eitt minniligt kvøld við dygd og sál í hásæti.

Mongu gestirnir høvdu harafturat møguleikan at njóta leskiligan føroyskan borðisk við m.ø. avbera góða føroyska fiskinum frá Norðfra Danmark.

At gjørligt varð at fáa stórfingna jazzkvøldið av bakkastokki eiga eisini allir okkara dyggu stuðlar hjartaliga tøkk fyri.

Føroyahúsið takkar Mentanargrunni Landsins, Rigsombudsmanden på Færøerne, Betri Stuðli, Koda Føroyum og Norðfra Danmark fyri stuðulin.

Tað er okkara vón, at Føroyahúsið eisini komandi ár verður partur av Copenhagen Jazz Festival og kann bjóða tykkum enn eitt stórfingið jazzkvøld á sumri 2027

Erik Reidarsson Klein hevur tikið myndirnar

26/08/2026

Mikudagin, 2. septembur 2026 bjóða vit tykkum aftur vælkomnum til 60+ í Føroyahúsinum.
Kl. 13:00 til 16:00, verður borðreitt við einum góðum bita og hugnaligari samveru.
Tak tínar bestu vinir undir armin og komið og njótið felagsskapin saman við fantastisku sjálvbodnu fyriskiparunum, sum borga fyri einum sera hugnaligum tiltaki.

Kostnaður kr. 70,-
Melda teg til í seinasta lagi kl. 17:00 dagin fyri, týsdag, 1. septembur.
Antin á: [email protected] ella send eini sms-boð: 31 17 48 68
Goldið verður við korti ella MobilePay, tá tit koma innartil

24/08/2026

TÝSDAGSDØGURÐI 🇫🇴

Týsdagin 1. septembur kynda vit aftur undir røstu grýtunum og borðreiða við røstum fiski frá Norðfra Danmark.
Sum altíð verður eisini okkurt gott omaná og te og kaffi afturvið.

Kostnaður kr. 200,- fyri verðin.

Tekning á [email protected] ella send eini smsboð á +45 31174868 innan mánadagin, 31. august kl. 17:00

Dyrnar lata upp kl. 17.00 og farið verður til borðs kl. 18:00

Ver so hjartaliga vælkomin og vit gleða okkum at síggja teg og tíni 😊

19/08/2026

Føroyska Listafelagið í Danmark bjóðar til fernisering við listakvinnunum Josefinu Smith og Anniku Smith í Føroyahúsinum, sunnudagin 23. august kl. 14:00 – 16:00

Um listakvinnurnar:
At úttrykkja seg visuelt hava møðgurnar Josefina Smith og Annika Smith til felags. Annika greiður frá, at listin altíð hevur fylt nógv í teirra familju.
Josefina Smith fer at vísa fram A3-tekningar av sínum knastaverum, sum fáa hana at flenna í kíki. Hesar verurnar búgva í gólvinum bæði heima hjá henni sjálvari og í summarhúsinum hjá dóttrini Anniku, fortelur Josefina.
Annika Smith sigur frá: “Fyri meg er tað at mála ein máti at fáa heimin at flyta seg spakuligari. Vakurleikin í føroysku náttúruni – og ikki minst friðurin, ið finst har – stendur í sterkari andsøgn til tað skundmikla býarlívið í Keypmannahavn. Júst tann mótsetningurin gevur mær íblástur”. Mosi, tari, steinar, fjaðrar, plantur og smáar stríðsharðar blómur, sum liva sítt stilla lív uttan tørv á at verða sæddar ella hoyrdar. Tað er henda kenslan av at hoyra saman við tí heilt smáa, sum kortini er størri enn vit sjálvi, ið Annika vónar, at málningar hennara kunnu minna um.

Listafelagið bjóðar eitt glas og ein munnbita, og bjóðar øllum til eina áhugaverda og hugnaliga løtu.

Minnist til at fylgja Listafelagnum á facebook og instagram, har felagið javnan dagførir við kunning um listafólk, framsýningar og tiltøk:

www.facebook.com/profile.php?id=100093570135418

www.instagram.com/listafelagid_dk/

18/08/2026

Mosi, tari, steinar, fjaðrar, plantur og smáar stríðsharðar blómur, sum liva sítt stilla lív uttan tørv á at verða sæddar ella hoyrdar. Tað er henda kenslan av at hoyra saman við tí heilt smáa, sum kortini er størri enn vit sjálvi, ið Annika Smith vónar, at málningar hennara kunnu minna um.