Esperanto-Centro Herzberg

10/05/2026

09.05. Enkadre de tutsemajna regiona projekto (Mach Mit!=Kunagu!) Esperanto-Centro Herzberg starigis informtablon sur la ĉefplaco, proksime al la urbodomo por prezenti la internacian lingvon kaj Esperantlingvajn broŝurojn pri Herzberg am Harz - la Esperanto-urbo. Sabatantaŭtagmeze staris tie la kutimaj vendobudoj kaj eĉ estis publika koncerto. Je la fino de la programo ni transdonis stokon de la varbiloj al la turisma oficejo. Dankon al ĉiuj kunhelpantoj!

05/05/2026

06.05.2026 - 15-18h: Tag der offenen Tür im Esperanto-Centro Herzberg (Grubenhagenstr. 6). MachMit! Woche - Bonvenon!

04/05/2026

Esperanto-informtablo ĉe la printempa stratfesto en Herzberg am Harz - la Esperanto-urbo. La regiona gazeto Harz Kurier aparte menciis ĝin en la granda, tutpaĝa artikolo. Dankon al ĉiuj klubanoj, kunlaborantoj de Esperanto-Centro Herzberg pro la aktiva partopreno!

28/04/2026

28.04.2026 - 19h: Buntaj Vesperoj en Herzberg. Ĉeftemo: Ekovilaĝoj kaj komuna loĝado. Kiel aranĝi, kiel solvi tion? Kiujn avantaĝojn, malavantaĝojn oni povas havi? Ĉu vi scias pri sukcesaj projektoj? Detaloj, ligilo:

mardo, 28 aprilo 2026 (Reta) | Ekovilaĝoj kaj komuna loĝado - ĉu sencohavaj?

21/04/2026

21.04.2026 - 19h: Buntaj Vesperoj en Herzberg. Ĉeftemo: Sana vivo. Kion signifas "sana menso en sana korpo"? Kion ni faru, kiel ni vivu, ke ni evitu malsanojn? Kiujn konsilojn ni akceptu? Ĉu ni bezonas multan monon por sana vivstilo? Detaloj, ligilo:

mardo, 21 aprilo 2026 (Reta) | Kion vi povas fari por stabiligi vian propran sanon?

14/04/2026

14.04.2026, 19h - Buntaj Vesperoj en Herzberg: Sana manĝado. Kion ni manĝas, kion ni manĝu por resti sanaj? Ĉu ni devus ŝanĝi niajn manĝkutimojn? Kiuj manĝaĵoj estas konsiderataj sanaj, bonaj, kiujn ni devus eviti? Rakontu pri viaj spertoj! Detaloj, ligilo: https://eventaservo.org/e/01254d

07/04/2026

07.04.2026, 19h - Buntaj Vesperoj en Herzberg: Kuirado – ĉu devo aŭ ĝojo? Ĉu vi ŝatas prepari viajn proprajn manĝaĵojn? Ĉu vi ofte kuiras? Ĉu vi havas proprajn/ŝatatajn receptojn? Kiujn avantaĝojn, malavantaĝojn havas kuiradi por ni mem? Rakontu pri viaj spertoj! Detaloj, ligilo: https://eventaservo.org/e/3476d3

05/04/2026

Agrablan Paskon, belan printempon ni deziras el Esperanto-Centro en Herzberg am Harz - la Esperanto-urbo!

31/03/2026

31.03.2026, 19h - Buntaj Vesperoj en Herzberg: Ĝardenumado por propraj fruktoj kaj legomoj. Kiujn avantaĝojn, malavantaĝojn havas produktado por ni mem? Rakontu pri viaj spertoj aŭ demandu spertulojn. Detaloj, ligilo: https://eventaservo.org/e/3d1e82

24/03/2026

24.03.2026 - 19h: Buntaj Vesperoj en Herzberg. Ĉeftemo: Esperanto-ekzamenoj. Niveloj, postuloj, diplomoj. Ĉu vi jam trapasis Esperanto-ekzamenon? Rakontu pri viaj spertoj! Ĉu vi ŝatus ekzameniĝi kaj havas demandojn? Ni lernu unu de la aliaj! https://eventaservo.org/e/08ff12