20/02/2020
Miar hänn wider viil z'viil Bänk, f**k. Do a paar Usschuss-Schmankerl:
Mega heisst u huara und Mü heisst Muggaseggel,
miar reden scho a bitzli ruch, zGraubünda gopferteggel.
Trotzdäm sin miar sensibel und au zivilisiart.
Drum schellts üs wänn a Zürrischnorra üs zBern röpräsentiart!
Au üs hät ma als Chind scho gsait, miar müassen alls ufessa,
Sus könnten miar di shöna Täg mit Sunnaschii vergässa.
Das hämmer ez drvo, as isch a Katastropha!
Klimaerwärmig wo üs plogt un zviel dicki Gofa.
Dr Not Vital - dä hät impfall a Knall.
Verdiant drmit a Hufa Gäld, as isch phenomenal.
Hät gära schöni Büabli, zTarasp in sinem Schloss,
hürotet dänn bi Wii und Rüabli trotzdäm nur sis Ross.
Au wänn ärs gar nid schafft, wänn er schwimmt, dänn schafft är,
dr Bromeis üssa selbschternannti Wasserbotschafter.
As wäri doch viel besser für sini Wasserbotschaft,
wänn är statt blöd go ummaschwimma eifach mitma Boot schafft.
Partaia sin im Schträss, will sit neuschtem müan si,
wäg däm koga Klimawandel uf zmol alli grüan sii.
Nur d‘SVP bliibt schtandhaft, do chama nuno schtuna,
setzt immer no uf d‘schwizer Farba mitma Stich ins Bruna.
