29/12/2023
ਕਹਿੰਦੇ ਇਕ ਵਾਰ ਇਕ ਬਹੁਤ ਵੱਡੀ ਕੰਪਨੀ ਦੇ ਸਾਹਮਣੇ ਇਕ ਸਮੋਸੇ ਦੀ ਦੁਕਾਨ ਸੀ। ਕੰਪਨੀ ਦਾ ਸਟਾਫ ਅਕਸਰ ਓਥੇ ਸਮੋਸੇ ਖਾਣ ਜਾਇਆ ਕਰਦਾ ਸੀ। ਇਕ ਦਿਨ ਕੰਪਨੀ ਦਾ ਇਕ ਮੈਨੇਜਰ ਉਸ ਦੁਕਾਨ ਉਪਰ ਸਮੋਸੇ ਖਾਣ ਗਿਆ ਤਾਂ ਉਥੋਂ ਦੇ ਮਾਲਿਕ ਨੂੰ ਕਹਿਣ ਲੱਗਿਆ ਕਿ ਜੇ ਕਿਤੇ ਤੂੰ ਵੀ ਕੋਸ਼ਿਸ਼ ਕੀਤੀ ਹੁੰਦੀ ਕਿਤੇ ਨੌਕਰੀ ਕਰਨ ਦੀ ਤਾਂ ਸ਼ਾਇਦ ਅੱਜ ਨੂੰ ਮੇਰੇ ਵਾਂਗ ਮੈਨੇਜਰ ਲੱਗਿਆ ਹੋਣਾ ਸੀ। ਤੇ ਵਧੀਆ ਕਮਾਉਂਦਾ ਹੋਣਾ ਸੀ।
ਇਸ ਤੇ ਓਹ ਦੁਕਾਨ ਦਾ ਮਾਲਿਕ ਮੁਸਕੁਰਾ ਪਿਆ। ਕਹਿਣ ਲੱਗਿਆ ਮੈਨੇਜਰ ਸਾਹਿਬ ਜਦੋਂ ਤੁਸੀਂ ਇਸ ਕੰਪਨੀ ਵਿੱਚ ਨਵੇਂ-ਨਵੇਂ ਨੌਕਰੀ ਕਰਨ ਆਏ ਸੀ ਤਾਂ ਮੈਂ ਟੋਕਰੀ ਵਿੱਚ ਸਮੋਸੇ ਵੇਚਦਾ ਹੁੰਦਾ ਸੀ। ਓਦੋਂ ਮੈਂ 1000 ਰੁਪਈਆ ਕਮਾਉਂਦਾ ਸੀ ਅਤੇ ਤੁਸੀਂ 10,000 ਰੁਪਏ। ਅੱਜ ਪੰਦਰਾਂ ਸਾਲਾਂ ਬਾਅਦ ਤੁਸੀਂ ਸੂਪਰਵਾਈਜ਼ਰ ਤੋਂ ਮੈਨੇਜਰ ਬਣ ਗਏ ਹੋ ਅਤੇ ਮੈਂ ਇਹ ਦੁਕਾਨ ਪਾ ਲਈ ਹੈ। ਤੁਸੀਂ ਅੱਜ ਮਹੀਨਾ 50,000 ਕਮਾ ਰਹੇ ਹੋ ਅਤੇ ਮੈਂ! ਮੈਂ ਲੱਖ ਰੁਪਈਆ ਛਾਪਦਾ ਹਾਂ।
ਪਰ ਮੈਂ ਤੁਹਾਨੂੰ ਸਿਰਫ ਪੈਸੇ ਕਰਕੇ ਹੀ ਇਹ ਗੱਲ ਨਹੀਂ ਸੁਣਾ ਰਿਹਾ ਮੈਨੇਜਰ ਸਾਹਿਬ! ਮੈਂ ਤਾਂ ਇਹ ਗੱਲ ਤੁਹਾਨੂੰ ਆਪਣੇ ਬੱਚਿਆਂ ਕਰਕੇ ਸੁਣਾ ਰਿਹਾ ਹਾਂ।
ਮੈਂ ਜੋ ਪੰਦਰਾਂ ਸਾਲਾਂ ਵਿੱਚ ਕਮਾਈ ਕੀਤੀ ਓਹ ਮੇਰੇ ਬੱਚਿਆਂ ਦੇ ਕੰਮ ਆਏਗੀ। ਇਹ ਅੱਡਾ ਬਣਾਇਆ ਅਤੇ ਹੁੱਣ ਓਹ ਇਸੇ ਅੱਡੇ ਤੋਂ ਇੱਥੋਂ ਹੀ ਹੋਰ ਅੱਗੇ ਲੈ ਕੇ ਜਾ ਸਕਣਗੇ!
ਤੇ ਤੁਹਾਡੇ ਬੱਚੇ ਭਾਵੇਂ ਜਿੱਥੇ ਵੀ ਨੌਕਰੀ ਕਰਨ ਜਾਣ! ਓਨਾ ਨੂੰ ਸ਼ੁਰੂਆਤ ਤੁਹਾਡੀ ਤਰਾਂ ਜ਼ੀਰੋ ਤੋਂ ਹੀ ਕਰਨੀ ਪਵੇਗੀ। ਜਿਵੇਂ ਤੁਸੀਂ ਪੰਦਰਾਂ ਸਾਲ ਪਹਿਲਾਂ ਕੀਤੀ ਸੀ।
ਜੋ ਮੈਂ ਮਿਹਨਤ ਕੀਤੀ ਓਹ ਮੇਰੇ ਬੱਚਿਆਂ ਦੇ ਕੰਮ ਆਏਗੀ। ਤੇ ਜੋ ਤੁਸੀਂ ਮਿਹਨਤ ਕੀਤੀ ਓਹ ਤੁਹਾਡੇ ਮਾਲਿਕ ਦੇ ਬੱਚਿਆਂ ਕੰਮ ਆਈ।
ਇਸ ਲਈ ਕਹਿੰਦੇ ਹਨ ਕਿ ਵੱਡਾ ਨੌਕਰ ਬਣਨ ਦੀ ਬਜਾਏ!! ਛੋਟੇ ਮਾਲਿਕ ਬਣ ਜਾਓ! ਇਸੇ ਚ ਹੀ ਭਲਾਈ ਹੁੰਦੀ ਹੈ!!
