DG Fisheries KPK

05/11/2026

محکمہ فشریز خیبر پختونخوا کی سرکاری ویب سائٹ پر ڈپٹی ڈائریکٹر فشریز کی عارضی سنیارٹی فہرست جاری کر دی گئی ہے۔ سنیارٹی فہرست درج ذیل لنک پر موجود ہے۔

https://kp.gov.pk/uploads/2026/05/Tentative_seniority_list_of_DDF_BPS-18.pdf

05/11/2026

Follow us on X (formerly Twitter).

0919212096

05/09/2026

فیلڈ وزٹ / ایک روزہ ٹریننگ سیشن 🎓🐟

The Agriculture University Peshawar
کے طلباء و طالبات نے ایک روزہ ٹریننگ کے سلسلے میں Carp Hatchery & Training Center Sherabad Peshawar کا دورہ کیا۔

اس موقع پر جناب Ameer Hamza صاحب، ڈائریکٹر فشریز CH&TC پشاور نے طلباء کو ہچری کا تفصیلی دورہ کروایا۔ طلباء کو فش فارمنگ کے تالاب دکھائے گئے، جال کے ذریعے Brooder مچھلی پکڑنے کا عملی مظاہرہ کیا گیا اور ہچری کے اندر holding ٹینکس کا معائنہ کروایا گیا۔

بعد ازاں ہال میں جناب Ameer Hamza صاحب نے پریزنٹیشن کے ذریعے فش بریڈنگ، سیڈ پروڈکشن، ہچری مینجمنٹ اور محکمہ فشریز کی سال 2025-26 کی کارکردگی پر تفصیلی بریفنگ دی۔

طلباء نے عملی سرگرمیوں میں بھرپور دلچسپی لی اور سوالات کیے۔ وزٹ کے اختتام پر ایڈمن بلاک کے سامنے گروپ فوٹو بھی بنوایا گیا۔

Carp Hatchery & Training Center, Peshawar طلباء کو عملی تربیت اور تحقیقی سہولیات فراہم کرنے کے لیے ہمہ وقت کوشاں ہے۔

05/08/2026

04/27/2026

فِش اینگلنگ ٹورنامنٹ – تربیلا ڈیم، ہری پور
منعقدہ: محکمہ ماہی پروری، خیبر پختونخوا

فش اینگلرز حضرات کے بھرپور اصرار پر ٹورنامنٹ کا دورانیہ 6AM-11 AM سے بڑھا کر 5AM-2PM کیا جاتا ہے۔

1. اہلیت

* ٹورنامنٹ تمام دلچسپی رکھنے والے اینگلرز کے لیے کھلا ہے۔
* شرکاء کے لیے مقررہ آخری تاریخ سے قبل رجسٹریشن مکمل کرنا لازمی ہے۔
* عمر کی کم سے کم حد 18 سال ہے۔

2. رجسٹریشن اور فیس

* ہر شریک کو مقررہ رجسٹریشن فیس ادا کرنا ہوگی۔
* رجسٹریشن ناقابلِ منتقلی اور ناقابلِ واپسی ہوگی۔

3. ماہی گیری کے آلات کے قواعد

* ہر شریک زیادہ سے زیادہ چار (4) فشنگ راڈز استعمال کر سکتا ہے۔
* ہر راڈ پر زیادہ سے زیادہ دو (02) کانٹے (ہُکس) لگانے کی اجازت ہوگی۔
* جال، پھندے، دھماکہ خیز مواد، کیمیکلز یا کسی بھی غیر قانونی طریقہ کار کا استعمال سختی سے ممنوع ہے۔

4. مقام اور وقت

* ماہی گیری صرف تربیلا ڈیم کے مخصوص کردہ علاقوں میں کی جا سکے گی۔
* ماہی گیری صرف مقررہ ٹورنامنٹ اوقات میں ہی کی اجازت ہوگی۔

5. شکار (مچھلی) کے قواعد

* صرف وہ مچھلی شمار کی جائے گی جو ٹورنامنٹ کے دوران پکڑی جائے۔
* مچھلی کو فوراً یا منتظمین کی ہدایات کے مطابق ججنگ کمیٹی کے سامنے پیش کرنا ہوگا۔
* ممنوعہ طریقوں سے پکڑی گئی مچھلی کو نااہل قرار دیا جائے گا۔

6. اسکورنگ کا معیار

* جیتنے والوں کا فیصلہ منتظمین کے مقرر کردہ معیار (زیادہ وزن) کی بنیاد پر کیا جائے گا۔
* برابری کی صورت میں ججنگ کمیٹی کا فیصلہ حتمی ہوگا۔

7. ضابطہ اخلاق

* شرکاء کے لیے منتظمین کی تمام ہدایات پر عمل کرنا لازمی ہوگا۔
* کوڑا کرکٹ پھیلانا، آلودگی یا ماحول کو نقصان پہنچانا سختی سے منع ہے۔
* شرکاء ایک دوسرے کا احترام کریں اور کھیل کے جذبے کو برقرار رکھیں۔

8. حفاظت اور ذمہ داری

* شرکاء اپنی حفاظت اور سامان کے خود ذمہ دار ہوں گے۔
* محکمہ ماہی پروری کسی بھی قسم کے نقصان، چوٹ یا حادثے کا ذمہ دار نہیں ہوگا۔

9. نااہلی

* کسی بھی قاعدے کی خلاف ورزی یا بدانتظامی کی صورت میں فوری نااہلی ہو سکتی ہے۔
* منتظمین کا فیصلہ حتمی اور قابلِ عمل ہوگا۔

10. ماحولیاتی تحفظ

* شرکاء کو ماحول دوست طریقوں پر عمل کرنے کی ترغیب دی جاتی ہے۔
* اگر کسی مخصوص مچھلی کی قسم کے بارے میں ہدایت دی جائے تو اسے واپس پانی میں چھوڑنا لازمی ہوگا۔

11. ترامیم

* محکمہ ماہی پروری کسی بھی وقت ان شرائط و ضوابط میں ترمیم کرنے کا حق محفوظ رکھتا ہے۔

12. دیگر ہدایات

* تمام شکاری حضرات اپنے لیے ٹینٹ یا چھتری کا انتظام خود کریں گے۔

04/27/2026

بائیو فلاک فش فارمنگ کیا ہے؟ اور اس کا سٹرکچر کیسے تیار کیا جاتا ہے؟
بائیو فلاک فش فارمنگ ایک ماحول دوست طریقہ ہے جس میں مچھلیوں کی افزائش کم پانی میں کی جاتی ہے۔ اس نظام میں پانی کے اندر موجود مفید بیکٹیریا فضلہ (ویسٹ) کو پروٹین میں تبدیل کرتے ہیں، جسے مچھلی دوبارہ خوراک کے طور پر استعمال کرتی ہے۔ یوں پانی کی بچت، خوراک کی لاگت میں کمی اور پیداوار میں اضافہ ممکن ہوتا ہے۔
بائیو فلاک سسٹم کے لیے عموماً گول (سرکلر) ٹینک استعمال کیے جاتے ہیں، جو درج ذیل طریقے سے تیار کیے جاتے ہیں:
🔹 ٹینک کی تیاری:
ٹارپالین (Tarpaulin) یا کنکریٹ کے گول ٹینک بنائے جاتے ہیں (قطر عموماً 10–20 فٹ)
🔹 ایریشن سسٹم:
پانی میں آکسیجن کی مناسب مقدار برقرار رکھنے کے لیے ایئر پمپ اور ایئر اسٹونز لگائے جاتے ہیں
🔹 واٹر مینجمنٹ:
پانی کو مکمل تبدیل کرنے کے بجائے اس کا معیار برقرار رکھا جاتا ہے، جس کے لیے کاربن سورس (مثلاً گڑ یا مولاسس) شامل کیا جاتا ہے
🔹 ڈرینج سسٹم:
ٹینک کے نیچے مرکزی ڈرین لگایا جاتا ہے تاکہ اضافی سلج (sludge) نکالا جا سکے
🔹 شیڈ / کور:
ٹینک کو دھوپ اور بارش سے بچانے کے لیے شیڈ لگایا جاتاہے۔
فشریز ڈیپارٹمنٹ خیبر پختونخوا بہت جلد بائیو فلاک فش فارمنگ کے فروغ کے لیے 50:50% لاگتی شراکت داری کے بنیاد پر عوام کے لئے سکیم شروع کرنے کا ارادہ رکھتی ہے۔

04/25/2026

محکمہ ماہی پروری خیبر پختونخوا کے ڈائریکٹر جنرل زبیر علی نے آج بروز ہفتہ بتاریخ اپریل 25, 2026 زیرِ تعمیر کارپ فِش ہیچری ضلع مہمند (ضم شدہ اضلاع) کا دورہ کیا۔ اس موقع پر ان کے ہمراہ امیر حمزہ (ڈائریکٹر فشریز، ضم شدہ اضلاع) اور فواد خلیل (ڈائریکٹر فشریز، پلاننگ اینڈ ڈویلپمنٹ) بھی موجود تھے، جبکہ محکمہ مواصلات و تعمیرات (C&W) مہمند کی نمائندگی جناب عبدالجلال، سب انجینئر اور اُن کے کنٹریکٹر ورک نے کی۔
ڈائریکٹر جنرل فشریز خیبر پختونخوا نے ہیچری کی موجودہ صورتحال اور مالی پیش رفت کے مقابلے میں کام کی رفتار پر تشویش کا اظہار کیا۔ انہوں انجنئیر C&W کو یدایت دی کہ ایک ہفتے کے اندر پراگرس رپورٹ محکمہ کو فراہم کیا جائے اور ڈائریکٹر فشریز، ضم شدہ اضلاع کو ہدایت کی کہ دفتر کے ریکارڈ کا جائزہ لے کر تفصیلی رپورٹ آئندہ ورکنگ ڈے پر ڈی جی آفس میں پیش کی جائے، تاکہ اعلیٰ حکام کے ساتھ مشاورت کے ذریعے ان مسائل کے حل کے لیے مناسب فورم پر مؤثر اقدامات کیے جا سکیں