https://www.facebook.com/1429678347304229/

სპორტ ლაივი, Admin Angels Limited, 53 Lode Lane, Solihull, West Midlands, B91 2AN, England (2026)

10/02/2017

"ბარსელონას“ ცენტრალური მცველი ხერარდ პიკე ესპანეთის ეროვნული ნაკრებიდან წასასვლელად მზადაა.
30 წლის ფეხბურთელმა მხარი გუშინ კატალონიის დამოუკიდებლობის საკითხზე ჩატარაებულ რეფერენდუმს მხარი დაუჭირა.
აღსანიშნავია, რომ რეფერენდუმს ექსცესების გარეშე არ ჩაუვლია, რადგან ესპანეთის პოლიციისა და გვარდიის კატალონიის დამოუკიდებლობის მომხრეებთან დაპირისპირებაში გადაიზარდა.
"ფრანკიზმის წლებში ჩვენი აზრის გამოთქმის უფლება არ გვქონდა. მე კატალონიელი ვარ და ძალიან მეამაყება ჩემი ხალხის, ბოლოს 7 წლის განმავლობაში მათი საქციელის. ვიცი, რომ ესპანეთში არსებობს ხალხი, რომლებიც მომხდარს აპროტესტებენ და დემოკრატიის სჯერათ.
თუ ნაკრების მწვრთნელია ან ფეხბურთის ფედერაციის ნებისმიერი ხელმძღვანელი მიიჩნევს, რომ გუნდისთვის პრობლემას წარმოავადგენ, მსოფლიო 2018 წლის ჩემპიონატამდე წავალ“ - ციტირებს პიკეს ინტერნეტპორტალ as.com-ი.

10/02/2017

ზინედინ ზიდანს ესპანეთის პრიმერა დივიზიონი მსოფლიოში ყველაზე რთულად მიაჩნია და ისკოს თამაშითაცა ძალიან კმაყოფილია.
ფეხბურთის ფრანგმა სპეციალისტმა ამის შესახებ ესპანეთის ლა ლიგის მე-7 ტურში სახლში "ესპანიოლთან“ (2:0) გამარჯვების შემდეგ განაცხადა. ხსენებულ მატჩში ისკომ დუბლი შეასრულა.
"არა მგონი, რომ ტიტულისთვის მხოლოდ ორმა ან სამმა კლუბმა იბრძოლოს. ნათელია, რომ პრიმერა მსოფლიოში ყველაზე რთული ლიგაა, მაგრამ სანახაობის მხრივ ეს კარგია. ჩვენ ძალიან რთული შეხვედრები გველის, მაგრამ უპირატესობას ვანიჭებ იმ გუნდებს ვეთამაშო, რომლებიც მადრიდში თავისი ფეხბურთის საჩვენებლად ჩამოდიან.
ისკომ იცის, რომ ჩვენთვის მნიშვნელოვანი მოთამაშეა. ის ფრისტაილერივით თამაშობს, რაც მომწონს. იგი მომთმენია და არ ნერვიულობს, როდესაც რამე ისე არ ხდება.
ისკო მოედანზე თავს ძალიან კომფორტულად გრძნობს. მიხარია, რომ მისი ერთ-ერთი საუკეთესო მატჩი ვნახეთ“ - ციტირებს ზიდანს ინტერნეტპორტალი football-espana.net-ი.

09/28/2017

პსჟ-ს მიზანი ჯგუფში პირველ ადგილზე გადანაცვლება იყო, რაც შესრულებულია.
ფრანგული გუნდის მთავარმა მწვრთნელმა უნაი ემერიმ ამის შესახებ გუშინ უეფას ჩემპიონთა ლიგის მეორე ტურში სახლში მიუნხენის "ბაიერნთან“ 3:0 გამარჯვების მერე განაცხადა.
"3 ქულა მოვიპოვეთ, რაც კარგია. გამარჯვება გვსურდა, რათა ჯგუფში პირველ ადგილზე გადავსულიყავით, რაც გავაკეთეთ. ძალიან მნიშვნელოვანია, რომ ჩვენი ფანები ამ საღამოს დატკბნენ.
"ბაიერნის" მაღალი პრესინგთან ადაპტირება შევძელით. ჩვენმა სამმა ნახევარმცველმა დიდი სამუშაო გასწია, ხოლო თავდასხმის სამეულმა საუცხოო მატჩი ჩაატარა და მეტოქის ნახევარზე არსებული თავისუფალი ზონები ბოლომდე გამოიყენა. ყველაფერი იდეალურად გამოვიდა“ - ციტირებს ფეხბურთის ესპანელ სპეციალისტს პსჟ-ს ოფიციალური ვებგვერდი.

09/28/2017

კარლო ანჩელოტის წაგების მთავარ მიზეზად სწრაფად გაშვებული გოლი მიაჩნია.
მიუნხენის "ბაიერნის“ მთავარმა მწვრთნელმა ამის თაობაზე გუშინ უეფას ჩემპიონთა ლიგის ჯგუფური ეტაპის მეორე ტურში სტუმრად ფრანგულ პსჟ-სთან 0:3 მარცხის მერე განაცხადა.
"არა მგონი, რომ შემადგენლობის შერჩევისას ძალიან გავრისკე. შევეცადე, რომ საუკეთესოები შემერჩია. ამისთვის თუ გამაკრიტიკებენ, ეს ნორმალურია, მაგრამ მიმაჩნია, რომ კარგი შემადგენლობა გვყავდა.
ცხადია, წაგების მიზეზი პირველი სწრაფი გოლი გახდა. პირველ ტაიმში ბურთს კარგად ვაკონტროლებდით, გოლის გატანის შანსიც გვქონდა, მაგრამ სიმწვავე არ გვეყო.
პსჟ კონტრშეტევებზე თამაშობდა და მეტოქე ვერ შევაკავეთ“ - ციტირებს ფეხბურთის იტალიელ სპეციალისტს უეფას ოფიციალური ვებგვერდი.

09/28/2017

ანტონიო კონტეს აზრით, მისმა ფეხბურთელებმა დაამტკიცეს, რომ ასეთი დონის ტურნირებში თამაშს იმსახურებენ.
ლონდონის "ჩელსის“ მთავარმა მწვრთნელმა ამას ხაზი გუშინ უეფას ჩემპიონთა ლიგის ჯგუფური ეტაპის მეორე ტურში სტუმრად მადრიდის „ატლეტიკოსთან“ 2:1 მოგების მერე გაუსვა.
მან ბელგიელი ფორვარდი მიში ბაჩუაიც შეაქო, რომელმაც მატჩის ბოლო წუთზე გამარჯვების გოლი გაიტანა.
"ჩვენმა გუნდმა ძალიან კარგი ფეხბურთი აჩვენა. მატჩისთვის კარგად მოვემზადეთ და მოთამაშეებით კმაყოფილი ვარ. მათ დიდი სურვილი, გამარჯვებისკენ სწრაფვა და მაქსიმალური კონცენტრაცია აჩვენეს - დაამტკიცეს, რომ ასეთი დონის მატჩებში თამაშს იმსახურებენ.
ცხადია, როდესაც "ატლეტიკოსთან“ 0:1 აგებ, მდგომარეობის გამოსწორება რთულია. თუმცა, ჩვენ 2 გოლი გავიტანეთ და გამარჯვება დავიმსახურეთ.
ჩემს ფეხბურთელებს მუდმივად ვუმეორებ, რომ საშინაო და საგარეო მატჩებს შორის განსხვავება არაა. ყოველთვის ჩვენი ფეხბურთი უნდა ვითამაშოთ, მაქსიმალური თავდადება ვაჩვენოთ და გამარჯვებას შევეცადოთ.
წინ ნაბიჯ-ნაბიჯ უნდა ვიაროთ - ხმამაღალი განცხადებების გაკეთება და გრანდიოზული გეგმების დასახვა საჭირო არაა.
ჩემპიონთა ლიგის მოსაგებად აუცილებელია გეგმაზომიერად განვითარება, გამოცდილების მიღება და დონის ამაღლება, რასაც არაერთი სეზონი დასჭირდება. არ დაგავიწყდეთ, რომ ჩვენ ძალიან ახალგაზრდული გუნდი გვყავს.
მიშისთვის ეს ძალიან მნიშვნელოვანი მომენტია. არ დაგავიწყდეთ, რომ ის ჯერ ახალგაზრდაა და გასულ წელს ახალ ჩემპიონატში ადაპტაციის პროცესს გადიოდა. იგი იზრდება და ვარჯიშებზე საქმეს საუცხოოდ უდგება. მას სამუშაო კიდევ აქვს, მაგრამ სწორი მიმართულებით მიდის. ფეხბურთელმა მიცემული შანსი სწორედ ასე უნდა გამოიყენოს“ - ციტირებს ფეხბურთის იტალიელ სპეციალისტს უეფას ოფიციალური ვებგვერდი.

09/28/2017

ერნესტო ვალვერდეს მიაჩნია, რომ დიდი მატჩებში გამარჯვება წვალების გარეშე არ მოდის.
"ბარსელონას“ მთავარმა მწვრთნელმა ამის თაობაზე გუშინ უეფას ჩემპიონთა ლიგის ჯგუფური ეტაპის მეორე ტურში სტუმრად ლისაბონის "სპორტინგთან“ მინიმალური ანგარიშით გამარჯვების მერე ისაუბრა.
"დიდ და მნიშვნელოვან მატჩებში გამარჯვება თუ გსურს, ამისთვის უნდა იწვალო. ჩვენ დიდი ძალისხმევა გამოვავლინეთ, პირველ ტაიმში სრულებით ვდომინირებდით, რადგან კონტრშეტევებში მეტოქის შესაძლებლობები ვიცოდით.
ანგარიშში როდესაც დავწინაურდით, "სპორტინგმა“ ძალიან მოინდომა და დაუცველობის გრძნობა შეგვმატა. თუმცა, უფრო დიდი ანგარიშით გამარჯვების შანსი გქვონდა, მაგრამ ჩვენი მომენტები ვერ გამოვიყენეთ. იმის შეხსენება ზედმეტი არაა, რომ ჩემპიონთა ლიგაშ იოლი მატჩები არ არსებობს.
რა თქმა უნდა, "სპორტინგს“ ჯგუფიდან გასვლა შეუძლია. ის კვლავ ჩვენ ერთ-ერთი ძირითად კონკურენტად რჩება. მომდევნო მატჩს "იუვენტუსთან“ ატარებს და ლისაბონელებს ჯერ კიდევ ყველაფერი წინ აქვთ“ - ციტირებს ფეხბურთის ესპანელ სპეციალისტს უეფას ოფიციალური ვებგვერდი.

09/28/2017

დიეგო სიმეონეს მიაჩნია, რომ ლონდონის "ჩელსიმ“ მის გუნდს ფიზიკურადაც აჯობა და ტაქტიკურადაც.
მადრიდის "ატლეტიკოს“ მთავარმა მწვრთნელმა ამის თაობაზე გუშინ უეფას ჩემპიონთა ლიგის ჯგუფური ეტაპის მეორე ტურში სახლში ბოლო წუთზე ინგლისელებთან 1:2 მარცხის მერე ისაუბრა.
“ჩელსიმ“ ჩვენზე კარგად ითამაშა. მთელი მატჩის განმავლობაში ლონდონელები თავს ჩვენზე კომფორტულად გრძნობდნენ. მეტოქემ, რომელის ძალიან ძლიერი საუცხოოდ ითამაშა და დამსახურებულად გაიმარჯვა.
ანგარიშში 2:0 დაწინაურების შანსი გვქონდა, მაგრამ "ჩელსი“ ჩვენზე უკეთესი იყო, როგორც ტაქტიკურად, ასევე ფიზიკურად. მეტოქეს გამარჯვებას ვულოცავ.
მე მხოლოდ იმის გაკეთება შემიძლია, რომ ყველა კომპონენტში გუნდის თამაშის გაუმჯობესებაზე ვიმუშავო.
პარალელურ მატჩში „რომას“ გამარჯვება ჩვენთვის არაფერს ცვლის“ - ციტირებს ფეხბურთის არგენტინელ სპეციალისტს ინტერნეტპორტალი football-espana.net-ი.

09/28/2017

ჟოზე მოურინიო მოსკოვში გამარჯვებით ძალიან კმაყოფილია.
"მანჩესტერ იუნაიტედის“ მთავარმა მწვრთნელმა ეს გუშინ უეფას ჩემპიონთა ლიგის ჯგუფური ეტაპის მეორე ტურში რუსულ ცსკა-სთან 4:1 მოგების მერე განაცხადა.
“ცხადია, თამაშის ასეთ დასაწყისს არ ველოდი. ჩვენ ძალიან ძლიერად დავიწყეთ: საწყისი ოთხი დარტყმა სამ გოლად ვაქციეთ. ამის შემდეგ, სიმშვიდე უნდა შეგვენარჩუნების და მატჩის გამარჯვებამდე მიგვეყვანა.
სტუმრად მოპოვებული ასეთი გამარჯვება მაკმაყოფილებს. ბოლოს, როდესაც "მანჩესტერ იუნაიტედი“ ჩემპიონთა ლიგაში თამაშობდა, მსგავს შედეგს ვერ აღწევდა, განსაკუთრებით სტუმრად.
შარშანდელი წელი გაგვიცდა. ახლა დავბრუნდით და საუცხოო შედეგებს ვაჩვენებთ. თუმცა, ამავე დროს ჩვენს პრობლემებზე არავინ საუბრობს - ტრავმირებული ფეხბურთელების დიდ რაოდენობაზე. ახლა ცენტრალური ღერძი შესუსტებული გვაქვს, მაგრამ ის ვინც მოედანზე გამოდის ძალიან კარგად თამაშობს“ - იუწყება ფეხბურთის პორტუგალიელი სპეციალისტის ნათქვამს ინტერნეტპორტალი sports.ru.
მოურინიომ ბელგიელ ფორვარდ რომელუ ლუკაკუზეც ისაუბრა, რომელმაც ცსკა-სთან დუბლი შეასრულა და მიმდინარე სეზონში უკვე 10 გოლი გაიტანა.
„ეს შესანიშნავი მიღწევაა, მაგრამ თავდამსხმელი მარტო არ თამაშობს. ლუკაკუს ირგვლივ საუცხოო გუნდია შეკრებილი, რომელიც მას ეხმარება. სექტემბერში ერთი მატჩი დაგვრჩა და მიმდინარე თვე მან კარგად ჩაატარა. დარწმუნებული ვარ, რომ ასეთი მიღწევა მასზე არ იმოქმედებს - მუშაობას და გოლების გატანას გააგრძელებს“.

09/27/2017

მადრიდის "რეალმა“ კრიშტიანუ რონალდუს საიუბილეო მატჩის ჩატარების აღსანიშნავად სპეციალური მაისური უსახსოვრა.
გუშინ, უეფას ჩემპიონთა ლიგის ჯგუფური ეტაპის მეორე ტურში "რეალმა“ სტუმრად დორტმუნდის "ბორუსიას“ 3:1 აჯობა.
განვლილი მატჩი პორტუგალიელისთვის მადრიდელთა მაისურით ყველა ტურნირზე მე-400 აღმოჩნდა, რაც რონალდუმ დუბლით აღნიშნა. ამრიგად, მის ანგარიშზე 412 გოლია.
"რეალის“ პრესსამსახურის ინფორმაციით, თამაშის შემდეგ, კლუბმა რონალდუს მაისური გადასცა, რომელზეც ციფრი 400-ია გამოსახული.

09/27/2017

რაფაელ ვარანმა მადრიდის "რეალთან“ კონტრაქტი გაახანგრძლივა, რასაც ესპანური კლუბის ოფიციალური ვებგვერდი იუწყება.
24 წლის ფეხბურთელმა "სამედო კლუბთან" ხელშეკრულება 2022 წლის ივნისამდე დადო.
ვარანი "რეალში“ 2011 წელს ფრანგული "ლანსიდან“ გადავიდა და ყველა ტურნირზე ჩატარებულ 196 მატჩში 10 გოლი გაიტანა.
ვარანამდე "რეალთან“ კონტრაქტი მარსელომ, ისკომ, დანიელ კარვახალმა, კარიმ ბენზემამ და მარკოს ლორენტემ გაახანგრძლივეს.

09/27/2017

ანტონიო კონტე შეეცდება, რომ ბოლო წლებში ევროთასებზე არსებული ესპანელთა დომინირება შეწყვიტოს.
ლონდონის "ჩელსის“ მთავარმა მწვრთნელმა ამ თემაზე უეფას ჩემპიონთა ლიგის ჯგუფური ეტაპის მეორე ტურში სტუმრად მადრიდის "ატლეტიკოსთან“ დაპირისპირებამდე ისაუბრა.
"ატლეტიკო“ ძალიან ძლიერი გუნდია, რომელსაც ამ ტურნირზე დიდი გამოცდილება აქვს. ბოლო წლებში მადრიდელებმა ჩემპიონთა ლიგაში საუცხოო სეზონები ჩაატარეს და ორჯერ ფინალშიც გავიდნენ, რაც იოლი არაა. მსგავს შედეგს ყველა გუნდი ვერ აჩვენებს. "ატლეტიკო“ კარგადაა ორგანიზებული, საუცხოო მწვრთნელი ჰყავს და ყურადღებით უნდა ვითამაშოთ.
ჩვენი ფეხბურთი უნდა ვითამაშოთ, მაგრამ "ატლეტიკოს“ პატივი უნდა ვცეთ. ამ სეზონში ენთუზიაზმით აღსავსე ვართ და სურვილი გვაქვს ვაჩვენოთ, რომ ჩემპიონთა ლიგაში თამაშს ვიმსახურებთ.
ბოლო რამდენიმე სეზონი ამ ტურნირზე და ევროპა ლიგაში, თუ გასულ სეზონს არ ჩავთვლით, ესპანური გუნდები დომინირებდნენ. ეს ნიშნავს, რომ ისინი ძლიერები არიან და ამ ტურნირში მდიდარე გამოცდილება აქვთ. ჩვენ ამ ტრადიციის შეცვლას შევეცდებით“ - იუწყება ფეხბურთის იტალიელი სპეციალისტის ნათქვამს ინგლისური კლუბის ოფიციალური ვებგვერდი.

09/27/2017

დღევანდელი დღის მეორე გამორჩეული შეხვედრა მადრიდში გაიმართება. ერთმანეთს დიეგო სიმეონეს ატლეტიკო და ანტონიო კონტეს ჩელსი დაუპირისპირდება.
გაგაცნობთ წინასამატჩო სტატისტიკას:
დიეგო კოშტამ დატოვა ჩელსი და ატლეტიკოს იანვარში შეუერთდება.
აუგუსტ ფერნანდესი ტრამვის გამო ვერ დაეხმარება ატლეტიკოს
დრინქვოთერი ვერ დაეხმარება ტრამვის გამო ჩელსის, ხოლო ანტონიო კონტე იმედოვნებს რომ დევიდ ლუიზი მწყობრში იქნება და შეძლებს ატლეტიკოს წინააღმდეგ თამაშს

ატლეტიკო მადრიდი ამ სეზონში დაუმარცხებელია. მათ შეძლეს ბოლო 5 თამაშიდან 4-ში კარის მშრალად შენახვა.
ჩელსიმ შეძლო 3 გოლის გატანა ბოლო სამ მატჩში ყველა ტურნირზე.

გუნდები ერთმანეთს სულ შეხვდნენ 5-ჯერ, საიდანაც ორჯერ ატლეტიკომ იმარჯვა, ერთხელ ჩელსიმ დანარჩენ ორ შეხვედრაში ფრე დაფიქსირდა. ბოლოს ეს გუნდები 2014 წელს ჩემპიონთა ლიგის ნახევარფინალში შეხვდნენ, საიდანაც პირველი მატჩში მადრიდში უგოლო ფრე დაფიქსირდა, ხოლო ლონდონში გასვლაზე ატლეტიკომ 3-1 სძლია ჩელსი

სპორტ ლაივი

10/02/2017

10/02/2017

09/28/2017

09/28/2017

09/28/2017

09/28/2017

09/28/2017

09/28/2017

09/27/2017

09/27/2017

09/27/2017

09/27/2017

Address

Website

Alerts

Shortcuts

Share

Category