04/11/2025
🟢 ❗ *Ujumbe wa Tahadhari* kwa *Wana-Group Wote*📌 🟢
Habari zenu wanachama wote,
Napenda kutoa taarifa muhimu ya tahadhari kwa manufaa ya kila mmoja wetu hapa kwenye group. Kumekuwa na taarifa rasmi kutoka Jeshi la Polisi zikielekeza kwamba haitakiwi kabisa kusambazwa kwenye mitandao ya kijamii (hasa WhatsApp, Telegram, na Facebook) taarifa, picha, au video zinazohusu maandamano, vurugu, au vifo vya watu bila kibali rasmi.
Jeshi la polisi limeeleza wazi kuwa hatua kali zitachukuliwa dhidi ya yeyote atakayebainika kusambaza, kutuma, au kuchochea mijadala inayohusiana na mambo hayo.
Kwa hiyo, kwa usalama wa kila mwanachama, tunaomba sana yafuatayo yazingatiwe:
1. Tafadhali msitumie group hili kutuma picha, video, sauti, au taarifa yoyote inayohusu maandamano au watu waliopoteza maisha.
2. Admin na viongozi wa group muwe waangalifu sana na mnavyoruhusu mijadala au maudhui ya aina hiyo. Kumbukeni kuwa nyinyi ndiyo mnahesabiwa kuwa wamiliki wa group, hivyo mnaweza kuwajibika kisheria.
3. Wanachama wote tujiepushe na kusambaza vitu bila uhakika. Hata k**a unaona kitu kipo kila mahali, haimaanishi ni salama kukituma hapa.
4. Kumbukeni: kwenye haya magroup, kuna watu wa kada tofauti, wakiwemo watu wa serikali, vyombo vya usalama, na taasisi nyeti. Hivyo si kila aliyeko hapa ni mtu wa kawaida au rafiki tu. Tuwe makini sana na maneno tunayotuma.
5. Ikiwa admin au mwanachama yeyote atatuma kitu cha kuchochea au cha kuleta vurugu, tafadhali tukemee kwa upole na tueleze wazi kwamba tunataka group letu liendelee kuwa la amani na maelewano.
6. Tukumbuke kuwa uchochezi, maneno ya kashfa, au kueneza taarifa bila uhakika kunaweza kumuingiza mtu matatani kisheria.
Lengo letu ni kuhakikisha group letu linabaki kuwa sehemu salama, ya mawasiliano yenye manufaa, bila migogoro wala matatizo ya kisheria.
Tujihadhari, tuwe na busara, na tuwe walinzi wa amani kwenye mitandao k**a tulivyo kwenye maisha halisi.
Asanteni sana kwa ushirikiano wenu.
Tuwe makini, tuwe wamoja, tuwe salama.
