https://www.facebook.com/1064784736712823/

Estancia Panagat, Estancia (2026)

22/04/2026

‎𝗣𝗔𝗡𝗔𝗚𝗔𝗧 𝗨𝗣𝗗𝗔𝗧𝗘: Sa katapusan nga gab-i sang Panagat Festival 2026, nagdagsa ang linibo ka tawo sa Estancia Municipal Plaza, mga pumuluyo kag mga bisita, agud magsinadya sa pagtapos sang 13 ka adlaw nga selebrasyon pinaagi sa Music Fest.
‎
‎Ginhatagan sang mga special performers kabuhi ang gab-i pinaagi sa comedy skit kag banda.

Ang nahambal nga mga performers amo kanday Amazing Peanut, Duo Diva, Tropa Vibes, kag Rocksteddy nga nagdala sang bug-os nga kasadya kag kusog sa kadam-an nga nagtililipon.

𝗧𝗛𝗘 𝗔𝗦𝗧𝗥𝗔𝗟𝗦 𝗖𝗼𝗿𝗿𝗲𝘀𝗽𝗼𝗻𝗱𝗲𝗻𝘁: Februaryn Dream Josue
𝗡𝗲𝘄𝘀 𝗩𝗶𝗱𝗲𝗼𝗴𝗿𝗮𝗽𝗵𝗲𝗿: Riz Caton & Abiel Dan Delos Santos
𝗩𝗶𝗱𝗲𝗼 𝗘𝗱𝗶𝘁𝗼𝗿: Riz Caton

‎

21/04/2026

𝗣𝗜𝗧𝗜𝗞 𝗦𝗔𝗡𝗚 𝗣𝗔𝗡𝗔𝗚𝗔𝗧 𝗦𝗘𝗔𝗦𝗢𝗡 𝟮 𝗪𝗜𝗡𝗡𝗘𝗥𝗦

Sa aton paghiwat sang Panagat Hubon Competition, nga ginlakipan sang Pitik sang Panagat Season 2, amo ini ang aton mga photographers nga nagpangibabaw sa ila talento sa pagpitik kag naghatag sang mas madalom nga kahulugan sa sini nga hilikuton pinaagi sa ila mga mata kag camera.

Panginbulahan kag madamo gid nga salamat sa inyo pagpakigbahin sa aton PanagArt: Culture and Arts Competition kag sa aton selebrasyon sang Panagat Festival 2026!

Note: Palihog claim sang inyo prizes sa Mayor's Office kag magdala sang duwa ka photocopy sang inyo valid ID nga may tatlo ka pirma.

20/04/2026

‎𝗣𝗔𝗡𝗔𝗚𝗔𝗧 𝗨𝗣𝗗𝗔𝗧𝗘: Napuno ang duwa ka judging areas sang matunog nga mga pamalakpak kag pagdayaw samtang nagpasundayag ang nagkalain-lain nga hubon sa nagtakop nga Hubon Competition kabahin sang Panagat Festival 2026, ika-18 sang Abril.
‎
‎Sa tagsa ka presentasyon, ginpahayag ang nagkalain-lain nga aspeto sang pangabuhi kag tradisyon sa banwa—halin sa pagpangisda tubtob sa pagpanguma—nga gindala sa istorya paagi sa malikhaon kag disiplinado nga koreograpiya.
‎
‎Ang kompetisyon nangin isa ka tulay nga nagtipon sang mga Estanciahanon bilang isa ka komunidad.

𝗡𝗮𝘁𝗶𝗼𝗻𝗮𝗹 𝗪𝗮𝘃𝗲 𝗖𝗼𝗿𝗿𝗲𝘀𝗽𝗼𝗻𝗱𝗲𝗻𝘁: Fhrea Bebing
𝗡𝗲𝘄𝘀 𝗩𝗶𝗱𝗲𝗼𝗴𝗿𝗮𝗽𝗵𝗲𝗿: Abiel Delos Santos, Rhronbrix Bucane & Riz Caton
𝗩𝗶𝗱𝗲𝗼 𝗘𝗱𝗶𝘁𝗼𝗿: Riz Caton
Caption by: Khen Julia

‎

20/04/2026

𝗣𝗔𝗡𝗔𝗚𝗔𝗧 𝗨𝗣𝗗𝗔𝗧𝗘: Natapos ang selebrasyon sang Panagat Festival 2026 sa isa ka masinadyahon kag madinalag-un nga Music Fest and Awards Night sa Estancia Municipal Plaza, Abril 18.

Sa ika-13 nga adlaw sang piyesta, nagtipon ang Estanciahanon kag mga bisita nga puno sang kasadya bangud sa mga nanari-sari nga performers kasubong sang Amazing Peanut, Tropa Vibes, kag Rocksteddy.

Sa sini nga pamaagi, ginpamatud-an nga bisan sa tunga sang kinalain sang tagsa-tagsa, nagahugpong gihapon ang tanan bilang isa ka mabaskog nga komunidad.

19/04/2026

𝗛𝗨𝗕𝗢𝗡 𝗣𝗔𝗠𝗔𝗡𝗧𝗜𝗡𝗚
Cluster 5: Zone I, Zone II, Zone III, Tacbuyan, San Roque

Ang matuod-tuod nga kahulugan sang “Panagat” makita sa padayon nga paglaum sa tunga sang kabudlay sa dagat. Sa istorya sang Hubon Pamanting, ang dagat indi lamang ginahalinan sang pangabuhian- ini nangin saksi sang ila mga handum kag pagsalig sa maayong palaabuton.

Biskan indi mapaktan ang pangitan-an sa dagat, wala gakadulaan sang paglaum ang Estanciahon. Paagi sa ila padayon nga pagpangabudlay, sa gihapon nasuportahan nila ang kinahanglanon sang ila kabataan sa eskwelahan.

Sa ulihi, paagi sa ila nga paghimakas, pagpangabudlay, kag pagpanikasog sa kabuhi, ang mga kabataan nagdaku nga may maayong edukasyon, ginpamatud-an nga ang husto nga mga prinsipyo kag mga leksyon indi lamang halin sa eskwelahan kundi pati sa ila panimalay. Bangod sini, nag-abot ang adlaw nga sila nangin mga propesyunal sa nagkalain-lain nga aspeto.

19/04/2026

𝗛𝗨𝗕𝗢𝗡 𝗟𝗔𝗪𝗨𝗗𝗡𝗢𝗡
Cluster 4: Bulaqueña, Pa-on, Daculan, Gogo, Loguingot

‎Ang Hubon Lawudnon nagpresentar sang isa ka makapululukaw tagipusuon kag madalom nga sugilanon sang gugma, kapigaduhon, kag misteryo sang kadagatan, nga nagasunod sa kabuhi ni Onyok, isa ka matinlo tagipusuon nga manugpangisda nga nagahigugma kay Pangging bisan ginadumilian ini sang ginikanan ka babaye.
‎
‎Bangod sa iya kaayo, ginluwas niya ang isa ka kataw nga nagbalos sa iya paagi sa paghatag sa iya sing mahiwagang hiyas nga nagdala sang kauswagan kag nagbalik sang ila relasyon.
‎
‎Apang sa tunga sang manami nga nagkalatabo sa iya kabuhi, naglutaw ang kahisa kag inggit halin kay Wilson nga nagtinguha kuhaon ang indi iya, nga nagresulta sa iya kapahamakan. Sa ulihi, ginpahayag sang istorya ang matuod-tuod nga leksyon: kung may ara ka sing kahisa kag inggit sa isigkatawo may malain gid nga balos nga magaabot sa imo.
‎

19/04/2026

𝗛𝗨𝗕𝗢𝗡 𝗠𝗔𝗡𝗗𝗔𝗥𝗔𝗚𝗔𝗧
Cluster 3: Bayas, Botongon, Jolog, Tanza, Manipulon

Isa ka makapukaw nga pasundayag ang ginhatag sang Hubon Mandaragat nga nagdala sa mga mananan-aw sa lain-lain nga kahimtangan sang Estancia bilang banwa nga ginpanday sang dagat.

Ila ginpakita ang kahimtangan sang mga mandaragat kag ang pag-atubang sa adlaw-adlaw nga pagpangabuhi. Nangin sentro man sang ila presentasyon ang mabug-at nga eksperyensya sa kalamidad, kung sa diin, ang kahilwayan, kasubo, kag paglaum ang ginpa-ibabaw sa ila pasundayag, agud klaro nga mabatyagan sang mga tumalan-aw.

Sa ulihi, nagbilin ini sang mensahe sang kusog kag pagpadayon. Ginpakita sang grupo nga bisan ano pa ang naagyan, ang Estanciahanon may kusog nga magbangon kag magpadayon, dala ang pagtuo kag pagbinuligay sang komunidad.

19/04/2026

𝗛𝗨𝗕𝗢𝗡 𝗣𝗔𝗡𝗚𝗜𝗦𝗗𝗔
Cluster 2: Daan Banwa, Calapdan, Lonoy, Lumbia, Sta. Ana

Sa tunga sang kasadya, naghatag sang buhi nga hulagway sang kabuhi sa baybay ang Hubon Pangisda sa masinadyahon nga pasundayag. Ginhatagan kabuhi sang mga manugsayaw ang espiritu sang Estancia bilang banwa nga ginakilala bilang “Alaska of the Philippines” kag sentro sang komersyal nga pangisdaan.

Halin sa umpisa sang pagpanulo tubtob sa organisado nga pagpanglambat, ginlaragway nila ang proseso sang pagpangisda nga ginahalinan sang pangabuhian sang kadam-an. Ginpakita man ang pagpreparar sang uga nga isda, isa sa mga rason kun ngaa nakilala ang banwa sang Estancia bangod sa dekalidad kag manamit nga produkto .

Sa kabug-usan, ang ila pasundayag nagpakita sang kultura kag identidad sang banwa nga ang pangisda indi lamang trabaho kundi kabuhi sang pumuluyo sang Estancia.

19/04/2026

𝗛𝗨𝗕𝗢𝗡 𝗕𝗔𝗚𝗦𝗔𝗞𝗔𝗡
Cluster 1: Malbog, Villa Pani-an, Cano-an, Bayuyan, Tabu-an

Ang banwa sang Estancia ginbugayan sang kadagatan nga manggaranon sa pangabuhian. Ini nangin dungkaan sang nanarisari nga sakayang pandagat sang mga ingod nga isla, rason nga nangin sentro ini nga balaklan sang lab-as nga isda kag uga.

Makit-an sa Hubon Bagsakan nga ang banwa sang Estancia ginabantog bilang “Little Alaska of the Philippines” bangod ini nangin lugar sang pagpangisda kag nagkalain-lain nga pamaagi sang maayong pagpanakop kag paggamit sang manggad sang kadagatan.

Diri ginapakita ang kaabtik, kaalam, kag pagpanikasog sang aton mga mangingisda sa ila pangabuhian para sa masunod nga henerasyon.

18/04/2026

𝗣𝗔𝗡𝗔𝗚𝗔𝗧 𝗨𝗣𝗗𝗔𝗧𝗘: Nagkalain-lain nga Hubon ginpasidunggan sang minor awards

Pagkatapos sang mabug-at kag madugay nga preparasyon sang tagsa ka grupo nga nagdala sang ila pinakamaayo nga talento kag dedikasyon sa entablado, ang Hubon Pamanting naman ang nakaangkon sang Best in Choreography kag Best in Music, samtang ang Hubon Lawudnon ang nagdaog bilang Best in Street Dancing.

Samtang, gin-angkon sang Hubon Mandaragat ang Best in Performance, Best in Production Design, kag Best in Costume, nga nagdugang sa ila kabug-usan nga kadaugan.

18/04/2026

𝗣𝗔𝗡𝗔𝗚𝗔𝗧 𝗨𝗣𝗗𝗔𝗧𝗘: Opisyal nga resulta sang Hubon Competition 2026

Matapos ang pakapukaw nga pasundayag, nangibabaw ang Hubon Mandaragat matapos ginproklamar nga kampeon sa Hubon Competition sang Panagat Festival 2026 nga ginhiwat sa Estancia Municipal Plaza, Abril 18.

Nag-angkon naman sang 1st runner-up ang Hubon Pamanting, samtang 2nd runner-up ang Hubon Lawudnon. Nakuha naman sang Hubon Bagsakan ang 3rd runner-up kag Hubon Pangisda ang 4th runner-up.

Estancia Panagat

22/04/2026

21/04/2026

20/04/2026

20/04/2026

19/04/2026

19/04/2026

19/04/2026

19/04/2026

19/04/2026

18/04/2026

18/04/2026

Address

Website

Alerts

Shortcuts

Share

Category