01/10/2026
PARIKA SARI-SARI STORE: Sakay Ang Binangonan
Sa isang sari-sari store, laging may lugar para sa isa pa. Sa isang jeepney, hangga’t may kasya, may isinasakay pa. Ganito rin ang Parika—hindi kailangang iwan ang isa para maisama ang iba.
Sa PARIKA SARI-SARI STORE, nagsama-sama ang mga likha, kwento, at identidad ng mga manlilikha mula Binangonan—mula Parika Kalye Sining, Jhe Project, BOOM Clothing, .ph , , Tinta, Heart the Art, , Seven Universe, hanggang sa mga zine, art prints, portfolios, at iba pang independent works.
Tatlong araw itong naging maliit na representasyon ng isang bayan: magkakaiba ang likha, pero iisa ang pinanggalingan.
Higit sa pagpapakita ng mga gawa, naging pagkakataon din ito para sa ating mga artist collaborator na makipagpalitan ng kaalaman, makakilala ng kapwa manlilikha, at magbukas ng mga bagong koneksyon mula sa iba’t ibang bahagi ng Pilipinas at Asya—mga ugnayang maaaring humantong sa mga susunod pang kwento at kolaborasyon.
Mula sa mga lansangan at alternatibong espasyo, nakasakay tayo sa isang mas malawak na biyahe—hanggang CREATE Philippines x Manila International Performing Arts Market - MIPAM. Kinilala ang Parika Kalye Sining bilang isang mahalagang puwersa sa pagpapalawak ng sining at kulturang Pilipino sa pambansang antas.
Hindi natin iniwan ang pinanggalingan. Dinala natin ito.
Ang bawat likha, bawat artist, at bawat kwentong isinakay natin ay bahagi ng isang mas malaking biyahe:
MULA SA KALYE, PAPUNTA SA BUONG MUNDO.
Likhang Filipino Exhibition Halls, Pasay City. Setyembre 11-13, 2026
CREATE Philippines x Manila International Performing Arts Market
| Raw narratives of real lives, voices, and art on the streets.
Editor – Gio Viesca Ojeda ()
Photographer – Franz Arabit (.heartheart)
