25/03/2026
मिथिला सभ्यताको समृद्ध कला, संस्कृति, संगीत तथा परम्पराको संरक्षण र प्रवद्र्धन गर्ने उद्देश्यले रंग मिथिला संस्था द्वारा “रंग मिथिला हेरिटेज एण्ड कल्चरल फेस्टिवल” आयोजना गरिने भएको छ । उक्त महोत्सव आगामी वि.सं. २०८२ साल चैत्र १५ र १६ गते (मार्च २९ र ३०, २०२६) मा नेपाल पुलिस क्लब मा सञ्चालन हुने आयोजकले जनाएको छ । दुई दिने महोत्सवमा मिथिला संस्कृतिका विविध पक्षलाई उजागर गर्ने कार्यक्रमहरू समावेश गरिनेछन् । महोत्सव अन्तर्गत मिथिला चित्रकला प्रदर्शनी, लोकसंगीत, सांस्कृतिक नृत्य, प्यानल छलफल, परम्परागत प्रदर्शनी तथा अन्य सांस्कृतिक प्रस्तुतीहरू आयोजना गरिनेछन् । आयोजकका अनुसार महोत्सवमा विभिन्न कलाकार, सांस्कृतिक व्यक्तित्व, विद्वान् तथा संस्कृति प्रेमीहरूको उल्लेखनीय सहभागिता रहने अपेक्षा गरिएको छ । यस कार्यक्रमले मिथिला संस्कृतिको संरक्षण, प्रवद्र्धन तथा नयाँ पुस्तामा सांस्कृतिक चेतना अभिवृद्धि गर्न महत्वपूर्ण योगदान पु¥याउने विश्वास लिइएको छ । महोत्सवका संयोजक तथा आयोजक संस्थाका अध्यक्ष संगम गुप्ताले यस कार्यक्रमले मिथिला कला र संस्कृतिलाई राष्ट्रिय तथा अन्तर्राष्ट्रिय स्तरमा प्रवद्र्धन गर्न महत्वपूर्ण भूमिका खेल्ने बताउनुभएको छ । साथै, आयोजकले सम्पूर्ण कला तथा संस्कृति प्रेमी, सञ्चारकर्मी तथा सरोकारवालाहरूलाई महोत्सवमा सहभागी भई कार्यक्रम सफल बनाउन हार्दिक अनुरोध गरेको छ ।
