22/03/2026
शिक्षा मन्त्रालय चाहिन्छ?
रास्वपाले मन्त्रालयको संख्या घटाएर १८ मा झार्ने कुरा गरिरहेको छ । यो समयमा म शिक्षा मन्त्रालयको आवश्यकता देख्दिंन । यदि उच्च शिक्षा पूर्ण रुपमा विश्वविद्यालय अनुदान आयोग मातहत, विद्यालय शिक्षा स्थानीय तह मातहत र प्राविधिक शिक्षा सिटिइभिटी मातहत रहने गरी ती निकायहरुलाई सशक्त बनाउने हो भने शिक्षा मन्त्रालयको आवश्यकता देखिंदैन । सबैलाई समन्वय गर्ने एउटा प्रभावशाली मानवसंशाधन निर्देशनालयको आवश्यकता त रहला । संघीय मामिला तथा सामान्य प्रशासन मन्त्रालयमा एउटा गतिलो विद्यालय शिक्षा विभाग राख्दा राम्रो समन्वय पनि हुन्छ । जिल्लास्तरमा खडा गरिएका शिक्षाका अनावश्यक निकायहरु पनि खारेज गर्न सजिलो हुनेछ । अनावश्यक संरचनाको भारी बोकेर बसेको शिक्षा मन्त्रालयको चेन अफ कमाण्ड फितलो भएको त सबैले महसुस गरेकै छन् । यसको प्रभावकारिता कमजोर हुँदा शिक्षा क्षेत्रको दुर्गति पनि हामीले देखेकै छौं । एउटा सही समय आएको छ ।
