Leedjes Gala Gelaen

27/02/2026

De vastelaovend is nog mer net veurbie… mer bie ós begint ‘t alweer te kriebele!🤗

Mesjiens höb-s te tiejens de vastelaovend ‘n pakkende zin geheuërd, ein melodie in dien köpke gekrege of geweun ‘t geveul: hie mót ich get mit doon!
Dan is dit ‘t momènt!
Daoróm organisere veer op 5 meërt óm 20:00 oer ‘n inspiratieaovend in De Boew in Gelaen.

‘n Aovend óm zengesj, componiste, tekstsjrievers, muzikante en creatieve enthousiastelinge biejein te brènge.
Höb-s te al ‘n idee? Of geweun zin óm mit te doon? Dan is dit ‘t momènt óm elkaar te vènje en planne te make!
Zeen v’r uch dao?

10/11/2025

Mörge begint eindelik ‘t vastelaovessezoen weër!
❤️💛💚

Veer kènne neet wachte om al ózze inzendinge te heuëre kómmend sezoen!

Woars te d’r neet bie aafgeloupe editie? Gein zörg!
Hie höbbe veer nog ‘n trökblik nao alle artieste die ós van ein prachtige aovend höbbe veurzeen!

📷 Kayleigh Bakx-Arts

08/11/2025

21/10/2025

Ouch ein groat applaus veur ózze nummer 2 en 3! 👏🏼
Neet allein de vakjury, mer ouch ‘t publiek haet mit gesjtumd en dat same leverde de eindoetsjlaag op.

Op de tweëde plaats: Rem & Fem mit “Veer zeen Vastelaovend”.
En oppe derde plaats: Erwin Hoofs mit “Mien hart dat sjleit op de maot van Vastelaovend”.

18/10/2025

Wat ein óngeluifelikke eësjte editie van ‘t 𝐋𝐞𝐞𝐝𝐣𝐞𝐬 𝐆𝐚𝐥𝐚 𝐆𝐞𝐥𝐚𝐞𝐧!🎼
Ein bómvolle zaal, geweldige optraejes en ein sfeer óm greuëtsj op te zeen.🤩
Dank aan alle artieste, bezeukers en betrokkene van deze prachtige aovend vol tradisie en vernuujing.

Van harte gefeliciteerd aan ózze winnaars:
🏆 Charlotte & Ritchie Bakx mit “Same Supersjiek” (Waereldsjtad-sjlager 2026)
🌟 De Vastelaovesbende mit “Vastelaovend, wat ein Gelök” (Boetegeweune categorie)

Bedank Kayleigh Bakx-Arts veur de sjoane foto's!

17/10/2025

Vanaovend gaon veer los!
Zörg dat-s te op tied bès, want vol is vol!

Veer höbbe er zin in, geer ouch?🥳

13/10/2025

Opnuuj ein reeks mit sneakpreviews!👀
Ózze artieste brènge dit jaor ein geweldige mix van tradisie en vernuujing. Allemaol mit hun eigen passie en verhaol veur de Gelaense vastelaovend.

Grote dank aan alle artieste veur hun enthousiasme, en natuurlik grote dank aan ózze sponsore die dit meugelik make!❤️💛💚
Same zörge veer veur ein ónvergaetelikke eësjte editie van ‘t 𝐋𝐞𝐞𝐝𝐣𝐞𝐬 𝐆𝐚𝐥𝐚 𝐆𝐞𝐥𝐚𝐞𝐧!🎼

Laot veural in de reacties hie ónger weite wo-t geer uch ‘t meiste op verheugt!👇🏼

- De Vastelaovesbende - Vastelaovend, wat ein Gelök
- ⁠Erwin Hoofs - Mien hart dat sjleit op de maot van Vastelaovend
- ⁠Moul & Rouge - Noe of Noats
- ⁠The ABBA-Girls - Baila Baila Baila
- ⁠Rem & Fem - Veer zeen Vastelaovend

10/10/2025

De kómmende daag zulle veer uch veurzeen van de sneakpreviews van ózze artieste.👀
Zónger hun gein 𝐋𝐞𝐞𝐝𝐣𝐞𝐬 𝐆𝐚𝐥𝐚 𝐆𝐞𝐥𝐚𝐞𝐧!🙌🏼
Ózze sponsore make ‘t meugelik, de artieste brènge ‘t tot laeve.💫

Laot veural in de reacties hie ónger weite wo-t geer uch ‘t meiste op verheugt!👇🏼

- The ABBA-Girls - Veur Ummer of Aeve
- ⁠De SAP - Noadoosj
- ⁠Feesduo MaF - Same aan de Sjtehtisch
- ⁠Marie-José Soons - 'n Denske en ènne Lach
- ⁠Kevin Noblesse - Noe bèn ‘ns effe gein Zoerproem

22/09/2025

Al meë dan twintig jaor begeleit de 𝐁𝐞𝐫𝐭𝐡𝐚 𝐁𝐞𝐧𝐝 de sjlagers van ós Waereldsjtad.
Ein tradisie wo veer greuëtsj op zeen!
Dit jaor wurt echter de lètste keër ónger leijing van Ben Erkens, mer waal versterkt mit veer nuje muzikante!

Tradisie en vernuujing kómme same op ‘t Leedjes Gala Gelaen.
Maak ‘t mit op 𝟏𝟕 𝐨𝐤𝐭𝐨𝐛𝐞𝐫 in 𝐃𝐞 𝐑𝐞𝐮𝐧𝐢𝐞!

11/09/2025

Wat is de sjlager noe eigelik?
Heël simpel: De vastelaovesh*t wo mit ‘t vastelaovessezoen in de Waereldsjtad jeder jaor opnuuj wurt aafgetrap. Aljaors zörgt de Bertha Bend veur ein ónvergaetelike oetveuring. Ein tradisie wo veer greuëtsj op zeen!