https://www.facebook.com/104238438894671/

𝐏𝐎𝐁𝐒𝐢𝐌, Yangon (2026)

29/04/2025

၅လပိုင်းကုန် ၆လပိုင်း အတွင်း QR ရက်ချိန်း ရထားသူများ
၁၀ ရက်ခန့် စောသွားပါတယ်
ရက်ချ်န်း အပြောင်းလဲတွေဖြစ်သွားလို့ မသွားခင်

https://www.passport.gov.mm/view-booking မှာစစ်ထားကြပါ

11/03/2025

Fyi
Photo credit to original uploader pls.

28/10/2024

ပြည်သူများအားအသိပေးပန်ကြားချက် (27-10-2024)

ပြည်ပနိုင်ငံများသို့ အလုပ်သွားရောက်လုပ်ကိုင်မည့် မြန်မာနိုင်ငံသားများသည် Passport for Job (PJ) အမျိုးအစားလျှောက်ထားရမည့်အစား Passport for Visit (PV) အမျိုးအစား နိုင်ငံကူးလက်မှတ်များလျှောက်ထားပြီး ထွက်ခွာကြသဖြင့် လေဆိပ်တွင် အဆင်မပြေမှုများဖြစ်ပေါ်နေမှု ဖြစ်ပေါ်နေ၍ အလုပ်သမားဝန်ကြီးဌာနမှသတ်မှတ်ထားသည့် အလုပ်အကိုင်ဆိုင်ရာ အထောက်အထားဖြင့် ၄င်းတို့၏သက်တမ်းရှိ PV အမျိုးအစားအား PJ အမျိုးအစား နိုင်ငံကူးလက်မှတ် လျှောက်ထားလာပါက ၀၁-၁၁-၂၀၂၄ ရက်မှစ၍ လက်ခံဆောင်ရွက်ပေးသွားမည်ဖြစ်ပါကြောင်း အသိပေးပန်ကြားအပ်ပါသည်။

13/08/2024

ပြည်သူများထံ အသိပေးပန်ကြားချက် (13-08-2024)
မြစ်ကြီးနားရုံးခွဲတွင် ၂၂-၇-၂၀၂၄ ရက်မှစ၍ Appointment Date ရယူထားပီး နိုင်ငံကူးလက်မှတ် လျှောက်ထားမည့်သူများအား ၁၃-၈-၂၀၂၄ ရက်မှစ၍ မန္တလေးရုံးတွင် ဆောင်ရွက်နိုင်ပါကြောင်း၊
လားရှိုးရုံးခွဲတွင် ၅-၇-၂၀၂၄ ရက်မှစ၍ Appointment Date ရယူထားပီး နိုင်ငံကူးလက်မှတ် လျှောက်ထားမည့်သူများအား ၁၃-၈-၂၀၂၄ ရက်မှစ၍ ရန်ကုန်ရုံးနှင့်တောင်ကြီးရုံးတွင် ဆောင်ရွက်နိုင်ပါကြောင်း၊

07/06/2024

https://www.facebook.com/share/LXGXopeTo9QLTCrg/?mibextid=oFDknk

Photo crd

QR တင်ပြီးသား ချိန်းမဲ့လူတွေတော့ ပုံမှန်တိုင်း သွားကြည့်ပါ

အရင်က ဒေတာချိန်း ၆ လမကျော်ရင် QR မပါပဲ သွားပြန်ချိန်းရင် ရုံးက နေစဉ် ဦးရေ အကန့်သတ်နဲ့ ချိန်းပေးပါတယ်

ခု ၆လအောက်‌တွေ PJ to PV မချိန်းပေးတော့ပါဘူး
တခြားအမျိုးစား‌တွေပဲ ရလောက်ပါတယ် PJ to PV ပဲ စာကပ်ထားလို့ပါ

QR တင်ပြီးသား ချိန်းတဲ့လူ‌တွေကတော့ ချိန်းတယ်မပြောပဲ အသစ်လျှောက် ပုံစံနဲ့ QR တင်ခဲ့ရတာမို့ QR နဲ့ဆို ရနိုင်ပါတယ်

အတိကျသိရင် ထပ်ပြောပေးပါ့မယ်

03/05/2024

Crd
https://www.facebook.com/share/YxAVXoRJAGYL1YVD/?mibextid=oFDknk

02/05/2024

PJ သမားတွေ အခြေနေကြည့် လုပ်ကြပါ

ဘာကြောင့်ပိတ်လဲ အတိကျ မသိပါ

အမြဲ ပိတ်ထားမယ်လို့တော့ မထင်ပါဘူး
=========================

Breaking News

စစ်ကောင်စီက မေလ ၁ ရက်မှစ၍ အမျိုးသားများ ပြည်ပထွက်အလုပ်လုပ်ခွင့် ယာယီရပ်ဆိုင်းပြီ
--------------

အမျိုးသားများ ပြည်ပသို့အလုပ်လုပ်ခွင့်ကို မေလ ၁ ရက်နေ့မှစတင်ပြီး တားမြစ်ပိတ်ပင်လိုက်သည်ဟု စစ်ကောင်စီခန့် အလုပ်သမားဝန်ကြီးဌာန အမြဲတမ်းအတွင်းဝန်က Myanmar Now ကို ယနေ့နေ့လယ်ပိုင်းတွင် အတည်ပြုခဲ့သည်။

ထိုကန့်သတ်ချက်သည် PJ အမျိုးအစား Passport ကိုင်ဆောင်သူများအပေါ် သက်ရောက်မည်ဟု အလုပ်အကိုင်ရှာဖွေရေးအေဂျင်စီများက ဆိုသည်။

မည်သည့်အကြောင်းပြချက်ဖြင့် ကန့်သတ်ကြောင်း ၎င်းက ပြောဆိုခြင်းမရှိသော်လည်း စစ်တပ်က အလုံးအရင်းဖြင့် လူသစ်ခေါ်ရန် ပြင်ဆင်နေသည့် စစ်မှုထမ်းဥပဒေကြောင့် ယင်းကဲ့သို့ကန့်သတ်ခြင်းဟု Myanmar Now က နားလည်ထားသည်။

"ဘယ်နိုင်ငံမဆိုပါပဲ။ ဒီ (မေ ၁) ရက်နေ့ကစပြီး Demand (အလုပ်ခေါ်စာ) တင်တဲ့သူကိုပဲ ဆိုလိုပါတယ်။ ခွင့်ပြုချက်ကျပြီးသားသူများ အကျုံးမဝင်ပါဘူး။ (ပြန်ဖွင့်ပေးဖို့က) အခြေအနေပေါ်မှာပဲ မူတည်ပါတယ်။ ဒီလောက်ပဲပြောနိုင်ပါတယ်" ဟု စစ်ကောင်စီခန့် အလုပ်သမားဝန်ကြီးဌာန အမြဲတမ်းအတွင်းဝန် ဦးညွန့်ဝင်းက ပြောသည်။

စစ်မှုထမ်းဥပဒေကြောင့် ထိုကဲ့သို့ကန့်သတ်ခြင်းဟုတ်မဟုတ် Myanmar Now က မေးမြန်းသော်လည်း အခြေအနေလိုအပ်ချက်အရ ဆောင်ရွက်ခြင်းဖြစ်သည်ဟု အမြဲတမ်းအတွင်းဝန် ဦးညွန့်ဝင်းက ဆိုသည်။

ထိုကန့်သတ်ချက်ကို စစ်ကောင်စီက တရားဝင်စာဖြင့် ညွှန်ကြားစာထုတ်ပြန်ခြင်း မရှိသေးသော်လည်း ပြီးခဲ့သည့် ဧပြီ ၃၀ ရက်က စစ်ကောင်စီ အလုပ်သမားဝန်ကြီး ဦးမြင့်နောင်နှင့် အလုပ်အကိုင်ရှာဖွေရေးအေဂျင်စီအသင်းတို့ ရန်ကုန်မြို့တွင် တွေ့ဆုံဆွေးနွေးစဉ် အသိပေးခဲ့ကြောင်း လုံခြုံရေးအရ အမည်မဖော်လိုသည့် အေဂျင်စီလုပ်ငန်းရှင် အမျိုးသားတစ်ဦးက Myanmar Now ကို ပြောသည်။

"ရန်ကုန်လာတော့ ခေါ်တွေ့ပြီးတော့ အဲ့ဒီလိုပြောလိုက်တယ်။ ယောက်ျားလေးတွေကို လောလောဆယ် Temporary (ယာယီ) ပိတ်မယ်ပေါ့်နော်။ အမှန်တော့ သူပိတ်တာမဟုတ်ဘူး။ အပေါ်က ပိတ်ခိုင်းတယ်ပေါ့။ တခြားအကြောင်းတွေလည်း ပါတာပေါ့။ စစ်မှုထမ်းဥပဒေကြောင့် ကလေးတွေ အရမ်းထွက်တယ်ပေါ့" ဟု စစ်ကောင်စီ အလုပ်သမားဝန်ကြီးပြောဆိုချက်ကို ၎င်းက ပြန်ပြောပြသည်။

စစ်မှုထမ်းဥပဒေကြောင့် တရားဝင်နှင့် တရားမဝင်လမ်းကြောင်းနှစ်ခုစလုံးမှ ပြည်ပနိုင်ငံများသို့ ကြောက်မက်ဖွယ်ကောင်းလောက်အောင် လူငယ်များထွက်ခွာနေသဖြင့် ထိုကဲ့သို့ပိတ်ပင်ကြောင်း၊ ထိုပိတ်ပင်မှုကြောင့် တရားမဝင်ထွက်ခွာမှု ပိုတိုးလာနိုင်ကြောင်း သူက ဆိုသည်။

"နောက်ပိုင်း တရားမဝင်တွေက ပိုများသွားလိမ့်မယ်။ ကလေးတွေကတော့ ထွက်မှာပဲလေ" ဟု ၎င်းက ဆိုသည်။

ပြည်ပမှ အလုပ်ခေါ်စာသစ်များတင်ပြခြင်းကို ယနေ့တွင် တင်ပြခွင့်ယာယီပိတ်ပင်ထားကြောင်း အလုပ်အကိုင်အေဂျင်စီများထံမှ သိရသည်။

ပြည်သူလူထုဆန့်ကျင်နေသည့် အာဏာသိမ်းစစ်တပ်အတွင်း မဝင်ရောက်လိုသဖြင့် လူငယ်အများအပြား ပြည်ပသို့ အုံလိုက်ကျင်းလိုက်ထွက်ခွာတိမ်းရှောင်နေသလို တော်လှန်ရေးတပ်ဖွဲများထံ ဝင်ရောက်နေချိန် အမျိုးသားများ ပြည်ပထွက်အလုပ်လုပ်ခွင့်ကို တားဆီးပိတ်ပင်လိုက်ခြင်းဖြစ်သည်။

စစ်မှုထမ်းဥပဒေကို ရှောင်ရှားရန် ပြည်ပထွက်ခွာခြင်းနှင့် တော်လှန်ရေးအင်အားစုများထဲသို့ ဝင်ရောက်ခြင်း နည်းလမ်းနှစ်ခုရှိရာ ယခုအခါ ရွေးချယ်စရာတစ်ခုသာ ရှိတော့ကြောင်း ပြည်ပထွက်ရန် စီစဉ်နေသည့် ဧရာဝတီတိုင်းမှ အမည်မဖော်လိုသူ လူငယ်တစ်ဦးက ပြောသည်။

"တကယ်လို့ သူက အလုပ်သမားအနေနဲ့ ထွက်ခွင့်မရှိဘူးဆိုရင် တခြားနည်းလမ်းနဲ့‌ရော ဖြစ်နိုင်မလား။ ဥပမာ Visit နဲ့သွားပြီး ကျောင်းတက်တဲ့ပုံစံမျိုးဖြစ်နိုင်မလား။ ပြန်ကြည့်ရမှာပေါ့။ တကယ်လို့သာ အကုန်လုံးလမ်းကြောင်းတွေ Visit လည်း ပိတ်မယ်ဆိုရင် ရွေးချယ်စရာက တစ်ခုပဲရှိတယ်။ စိုးရိမ်စရာတော့ တော်တော်ဖြစ်လာပြီ" ဟု ၎င်းက ဆိုသည်။

စစ်မှုထမ်းဆင့်ခေါ်ခြင်းကို သင်္ကြန်ရုံးပိတ်များအပြီး ဧပြီလတွင် စတင်မည်ဖြစ်ကြောင်း၊ စစ်သင်တန်းအပတ်စဉ်တစ်ခုလျှင် လူ ၅၀၀၀ နှုန်းဖြင့် ခေါ်မည်ဖြစ်ကြောင်း ပြောဆိုခဲ့သော်လည်း သင်္ကြန်မတိုင်မီကတည်းက ခေါ်ယူနေပြီး လက်ရှိတွင် အပတ်စဉ် ၂ ကို ဆက်လက်ခေါ်ယူနေသည်။

(ပုံစာ- ၂၀၂၃ ခုနှစ်က ရန်ကုန်မြို့ရှိ နိုင်ငံကူးလက်မှတ်ထုတ်ပေးသည့် ရုံးရှေ့တွင် တန်းစီစောင့်ဆိုင်းနေသော မြန်မာလူငယ်များ။ Myanmar Now)

သတင်းအပြည့်အစုံဆက်လက်ဖော်ပြပါမည်။

https://www.facebook.com/share/p/1RCYNSexbhgoyDDG/?mibextid=oFDknk

27/04/2024

ရန်ကုန် အိမ်ထောင်စုတွေ
နေပြည်တော် သွားလုပ်လို့ရ

(Edited:

ရန်ကုန်က အမြန်လိုချင်တဲ့ သူတွေ
နေပြည်တော် သွားလုပ်ပါ
ရန်ကုန်နဲ့ နေပြည်တော် ရက်ချိန်းက ၄လ ၅လ ကွာပါတယ်)

****************************

အသိပေးပန်ကြားချက် (26-04-2024)

မြန်မာနိုင်ငံကူးလက်မှတ်ထုတ်ပေးရေးအဖွဲ့အနေဖြင့် နိုင်ငံကူးလက်မှတ်များအား မြန်မာနိုင်ငံကူးလက်မှတ်ထုတ်ပေးရေးရုံး (ရန်ကုန်)တွင် ၂၄-၂-၂၀၂၃ ရက်မှစ၍လည်းကောင်း၊ နေပြည်တော်၊ မန္တလေး၊ ပုသိမ်၊ ပဲခူးတို့တွင် ၂၆-၂-၂၀၂၄ ရက်မှစ၍လည်းကောင်း Online Appointment System စနစ်ဖြင့် လုပ်ငန်းစဉ်အတိုင်း စိစစ်ထုတ်ပေးလျက်ရှိပါသည်။

မြစ်ကြီးနား၊ မုံရွာ၊ လားရှိုး၊ တောင်ကြီး၊ ကျိုင်းတုံ၊ စစ်တွေ၊ ဟားခါး၊ ဘားအံ၊ မော်လမြိုင်၊ ထားဝယ်၊ မကွေးတို့တွင် ၂-၅-၂၀၂၄ ရက်နေ့မှစ၍ Online Appointment System ဖြင့် ဆောင်ရွက်သွားမည် ဖြစ်ပါကြောင်း၊

နေပြည်တော်ရှိ နိုင်ငံကူးလက်မှတ်ထုတ်ပေးရေးရုံးခွဲတွင် ရန်ကုန်တိုင်းဒေသကြီးအိမ်ထောင်စုစာရင်းနှင့် Online Booking လျှောက်ထားနိုင်ပါကြောင်း၊

ကယားပြည်နယ်အိမ်ထောင်စုစာရင်းဝင်သူများသည် ပြည်နယ်အစိုးရအဖွဲ့ (သို့မဟုတ်) တိုင်းစစ်ဌာနချုပ် ထောက်ခံချက်ဖြင့် တောင်ကြီးရုံးခွဲကို ရွေးချယ် လျှောက်ထားနိုင်ပါကြောင်း၊

ကျန်ပြည်နယ်/ တိုင်းဒေသကြီးများရှိ ရုံးခွဲများတွင် သက်ဆိုင်ရာ အိမ်ထောင်စုစာရင်းဝင်များကိုသာ လက်ခံဆောင်ရွက် ပေးသွားမည်ဖြစ်ပါကြောင်း၊

နိုင်ငံကူးလက်မှတ်လျှောက်ထားမည့်သူများသည် ၁-၅-၂၀၂၄ ရက်နေ့ ၀၉:၀၀ အချိန်မှစ၍ ရက်ချိန်းယူနိုင်ပါကြောင်း၊

နိုင်ငံကူးလက်မှတ်လျှောက်ထားသူများ ရက်ချိန်းယူရာတွင် မိမိတို့၏ အိမ်ထောင်စုစာရင်းရှိရာ ရုံးခွဲများကို ရွေးချယ်ပြီး ကိုယ်တိုင်ဆောင်ရွက်နိုင်ရေး နိုင်ငံကူးလက်မှတ်ထုတ်ပေးရေးအဖွဲ့၏ Website ဖြစ်သည့် www.passport.gov.mm တွင် ကြိုတင်လေ့လာနိုင်ပါကြောင်း အသိပေးပန်ကြားအပ်ပါသည်။

26/03/2024

နံပတ်ပါ စမတ်ကတ်များကို မှတ်ပုံတင်ထုတ်ပေးသည့် မြို့အပြင်မိမိရောက်ရှိနေသည့် မြို့နယ်ရှိ လဝကရုံးများတွင်လည်း ပြုလုပ်နိုင်သည်ဟုဆို
++++++++++++++++++++++++++++++++++++++++++++++++++++++++++++++++++++++++++++++++
Published 26 March 2024
လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနက စိစစ်ထုတ်ပေးသည့် UIDနံပတ်ပါ အရပ်ခေါ်စမတ်ကတ်များကို မိမိ၏နိုင်ငံသားစိစစ်ရေးကတ်ပြားထုတ်ပေးသောမြို့နယ်ကို သွားရောက်ပြုလုပ်စရာမလိုဘဲ မိမိရောက်ရှိနေသော မြို့နယ်ရှိ လဝက ရုံးတွင်လည်း ပြုလုပ်နိုင်ကြောင်း သက်ဆိုင်ရာဌာနက ပြောကြားထားသည်။

နိုင်ငံကူးလက်မှတ်ပြုလုပ်ရာတွင် UID နံပတ်ပါ စမတ်ကတ်ပါရှိရမည်ဆိုသော အကြောင်းရာနှင့် ပတ်သက်ပြီး သတင်းမီဒီယာတစ်ခုမှ ဆက်သွယ်မေးမြန်းမှုကို သက်ဆိုင်ရာဌာနက ပြန်လည်ဖြေကြားထားခြင်း ဖြစ်သည်။

မြန်မာနိုင်ငံကူးလက်မှတ် ထုတ်ပေးရေးအဖွဲ့အနေဖြင့် မတ်လက ၁၉ ရက်ကစပြီး ပတ်စပို့စ်သက်တမ်းတိုးခြင်း အသစ်ပြုလုပ်ခြင်းများ လာရောက် လုပ်ဆောင်သူများ အနေဖြင့်လဝကမှ ထုတ်ပေးထားသည့် UID နံပါတ်ထုတ်ပေးထားကြောင်း အထောက်ထားလက်မှတ် ယူဆောင်လာရန် ညွှန်ကြားချက် ထုတ်ပြန်ထားသည်။

ထို့ကြောင့် ပြည်သူတွေအနေနဲ့ UID နံပတ်ပါ စမတ်ကတ်ကို ရယူလိုပါက နိုင်ငံသားစိစစ်ရေးကတ်ပြားထုတ်ပေးသည့် မြို့ကိုပြန်ပြီး လုပ်စရာမလိုဘဲ လက်ရှိကိုယ်နေထိုင်ရာမြို့မှာ ရှိသည့်လဝကရုံးတွင်ဖြစ်စေရပ်ကွက်များကို ဆင်းပြီး ပြုလုပ်ပေးနေသည့် UID နံပါတ် စမတ်ကတ်ကို အခမဲ့ ပြုလုပ်နိုင်ကြောင်း သိရသည်။

အစိုးရအဖွဲ့အစည်းအရပ်ဘက်အဖွဲ့အစည်း များအနေဖြင့် ပြည်သူ့ဝန်ဆောင်မှု လုပ်ငန်းများဆောင်ရွက်ပေးသည့် အခါတွင် အဆိုပါ UID နံပတ်အပေါ်အခြေခံပြီး ဆောင်ရွက်ပေးမှာဖြစ်သည့်အတွက် ပြည်သူတွေအနေဖြင့် UID မြန်မြန် ပြုလုပ်ပါက အကျိုးမြန်မြန် ခံစားရမည်ဖြစ်ကြောင်း ဖြေကြားထားသည်။

https://www.facebook.com/share/SpiJt21pjDd79Dhs/?mibextid=oFDknk

ံပတ်ပါစမတ်ကတ် #လဝကရုံးများတွင်လည်းပြုလုပ်နိုင် /LW

19/03/2024

လုပ်ထားကြပါဦး...

ပြည်သူများအားအသိပေးပန်ကြားချက် (19-03-2024)

မြန်မာနိုင်ငံကူးလက်မှတ်ထုတ်ပေးရေးအဖွဲ့အနေဖြင့် နိုင်ငံကူးလက်မှတ်များအား ရန်ကုန်၊ မန္တလေး၊ နေပြည်တော်၊ ပဲခူး နှင့် ပုသိမ် ရုံးတို့တွင် Online Appiontment System စနစ်ဖြင့် လည်းကောင်း၊ ကျန်ရုံးခွဲများတွင် လူတန်းစီစနစ်ဖြင့်လည်းကောင်း လုပ်ငန်းစဉ်အတိုင်းစိစစ်၍ ဆောင်ရွက် ပေးလျက်ရှိပါသည်။

ယင်းသို့ဆောင်ရွက်ပေးရာတွင် နိုင်ငံသား ဟုတ်/ မဟုတ် စိစစ်နိုင်ရန် ၂၂-၄-၂၀၂၄ ရက်နေ့မှ စ၍ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ စိစစ်ထုတ်ပေးထားသော UID နံပါတ် ထုတ်ပေးထားကြောင်း အထောက်အထားလက်မှတ်များ ယူဆောင်လာကြပါရန်နှင့် ၎င်းအထောက်အထား လက်မှတ်မပါရှိသော လျှောက်ထားသူများအား စာအုပ်ထုတ်ယူရမည့် (၁၀) ရက်အတွင်း သက်ဆိုင်ရာ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနတွင် အမြန်ဆုံးဆောင်ရွက်ကြပါရန်နှင့် UID နံပါတ် ထုတ်ပေးထားကြောင်း အထောက်အထားလက်မှတ် မပါရှိသူများကို နိုင်ငံကူးလက်မှတ်စာအုပ် ထုတ်ပေးမည် မဟုတ်ပါကြောင်း အသိပေးပန်ကြားအပ်ပါသည်။

24/02/2024

ပြည်သူများအားအသိပေးပန်ကြားချက် (24-02-2024)

မြန်မာနိုင်ငံကူးလက်မှတ်ထုတ်ပေးရေးအဖွဲ့အနေဖြင့် နိုင်ငံကူးလက်မှတ်များအား ပုံမှန်လုပ်ငန်းစဉ်အတိုင်း စိစစ်ထုတ်ပေးလျက်ရှိရာ နိုင်ငံကူးလက်မှတ်ထုတ်ပေးရေးရုံး(ရန်ကုန်)တွင် Online Booking တင်၍ QR စနစ်ဖြင့် ၂၇၀၀ ဦး နှုန်းဖြင့် ဆောင်ရွက် ပေးလျက်ရှိပါကြောင်း၊

နေပြည်တော်၊ မြစ်ကြီးနား၊ ဟားခါး၊ လွိုင်ကော်၊ မကွေး၊ မန္တလေး၊ မုံရွာ၊ တောင်ကြီး၊ ကျိုင်းတုံ၊ လားရှိုး၊ တာချီလိတ်၊ ဘားအံ၊ မြဝတီ၊ မော်လမြိုင်၊ ထားဝယ်၊ ကော့သောင်း၊ ပုသိမ်၊ စစ်တွေ၊ ပဲခူးမြို့များရှိ နိုင်ငံကူးလက်မှတ်ထုတ်ပေးရေးရုံးခွဲများတွင် သတ်မှတ်လူဦးရေအတိုင်း ရုံးဖွင့်ရက်များတွင် နေ့စဉ်လက်ခံဆောင်ရွက်ပေးလျက်ရှိပါကြောင်း၊

၂၆-၂-၂၀၂၄ ရက်နေ့မှစ၍ မန္တလေး၊ ပုသိမ်၊ နေပြည်တာ်၊ ပဲခူး ရုံးခွဲတို့တွင်ဆောင်ရွက်နိုင်မည့် သက်ဆိုင်ရာ ပြည်နယ်/ တိုင်းဒေသကြီး အိမ်ထောင်စု စာရင်းဝင် နိုင်ငံကူးလက်မှတ်လျှောက်ထားမည့်သူများအတွက် အဆင်ပြေချောမွေ့စေရေးအတွက် KBZPay / MPU Pay ဖြင့် (၂၅-၂-၂၀၂၄)နေ့၊ နံနက်(၉)နာရီမှစ၍ Online မှ Booking တင်၍ Appiontment Date ရယူဆောင်ရွက်နိုင်ပါကြောင်း၊

သက်ဆိုင်ရာ ပြည်နယ်/ တိုင်းဒေသကြီး အိမ်ထောင်စုစာရင်းဝင်သူများမဟုတ်ပါက Booking ရသော်လည်း ဆောင်ရွက်ပေးမည် မဟုတ်ပါကြောင်း၊

Online မှ Booking ရရှိပြီးသူများ နိုင်ငံကူးလက်မှတ် လာရောက်လျှောက်ထားမှုအား လဝကမှ စိစစ်ထားသော UID နံပါတ် များ ရှိပါက တစ်ပါတည်း ယူဆောင်လာရမည်ဖြစ်ပါကြောင်း၊

Online မှ Booking တင်ရာတွင် မြန်မာနိုင်ငံကူးလက်မှတ်ထုတ်ပေးရေးအဖွဲ့၏ Website ၏ www.passport.gov.mm တွင် ဝင်ရောက်လျှောက်ထားနိုင်ပြီး KBZPay / MPU Pay ဖြင့် ငွေပေးချေခြင်းဖြင့် ကြားခံပွဲစား/ အကျိုးဆောင်များ မလိုအပ်ဘဲ ကာယကံရှင် ကိုယ်တိုင်သာ လျှောက်ထားနိုင်ရေးစီစဉ်ထားရှိခြင်းဖြစ်ပါကြောင်း အသိပေးအပ်ပါသည်။

𝐏𝐎𝐁𝐒𝐢𝐌

29/04/2025

11/03/2025

28/10/2024

13/08/2024

07/06/2024

03/05/2024

02/05/2024

27/04/2024

26/03/2024

19/03/2024

24/02/2024

Address

Website

Alerts

Shortcuts

Share