26/02/2026
“Избор на најдобрите спортистки и спортисти, тренер и спортска екипа на Град Скопје“, организаторот “Сојуз на спортови на Скопје“, распишува:
КОНКУРС
за доделување на награди и признанија во изборот на најдобрите спортистки и спортисти, тренер и спортска екипа на Град Скопје,
за 2025 година
1. “Сојузот на спортови на Скопје“ покренува постапка за “Избор на најдобрите спортистки и спортисти, тренер и спортска екипа на Град Скопје, за 2025 година“.
2. Наградите и признанијата за најдобрите спортистки и спортисти, тренер и спортска екипа на Град Скопје, се доделуваат за постигнати резултати во индивидуален и во клупски спорт во тековната 2025 година, на спортистки, спортисти и тренери кои настапуваат за спортски клубови, чие седиште е во Скопје.
3. Право на предлагање на кандидати за изборот на најдобрите, имаат спортските клубови и нивните членови, чие седиште е во Скопје.
4. Предлозите за “Избор на најдобрите спортистки и спортисти, тренер и спортска екипа на Град Скопје, за 2025 година“, се за следниве категории:
Најдобри 10 спортисти во сениорска категорија (мажи и жени);
Најдобри 10 спортисти во младинска категорија (мажи и жени);
Најдобар тренер;
Најдобра спортска екипа од Скопје;
Најдобар/а спортист/ка - странец кој настапува во екипа од Скопје и
Најдобар/а спортист/ка во категоријата на лица со инвалидност.
5. Критериум за спортските остварувања се резултатите постигнати на олимписки игри, светски и европски првенства, и други меѓународни натпреварувања.
На соодветните натпреварувања каде што е остварен спортскиот резултат, условите за номинирање на спортистите во поединечни спортови во изборот на најдобри спортистки и спортисти, тренер и спортска екипа на Град Скопје се:
За Светско првенство каде што учествуваат минимум 30 земји и на истото учествуваат најмалку 8 натпреварувачи во поединечна конкуренција и оствариле најмалку две победи;
За Европско првенство каде што учествуваат минимум 15 земји и на истото учествуваат најмалку 8 натпреварувачи во поединечна конкуренција и оствариле најмалку две победи.
6. Клубовите и нивните членови од екипните спортови се рангираат преку настапи на големите натпреварувања, кои претходно учествуваат на натпревари во квалификациите и групите во европската лига на шампиони, евро лигите, европските купови и други регионални натпреварувања.
7. Предлозите за горенаведените спортски категории ги доставуваат спортските клубови и нивните членови, со седиште на подрачјето на град Скопје, со уредна документација којашто треба да содржи: копија за регистрација на субјектот со седиште во Скопје, копија од регистрациска книшка на предложениот спортист/ка, тренер со право на настап на натпревари во тековната година, официјален документ за постигнатите спортски резултати објавени во билтени, веб-страници, код-системи и слично.
8. Јавниот конкурс ќе трае 5 денови, сметано од денот на објавувањето.
Предлозите се доставуваат во затворен и запечатен коверт, во секој работен ден од 09:00 до 15:00 часот во Архивата на Сојузот на спортови на Скопје, со адреса на бул. Кочо Рацин бр.15 Скопје, со назнака за “Избор на најдобрите спортистки и спортисти, тренер и екипа на Град Скопје за 2025 година“.
Дополнителни информации во врска со конкурсот, на телефон 3228 – 624.
Сојуз на спортови на Скопје
- “Комисија за избор на најдобрите спортистки и спортисти,
тренер и спортска екипа на Град Скопје,
и доделување на награди и признанија“
