08/09/2025
ໃນລະຫວ່າງວັນທີ 3-4 ກັນຍາ 2025 ກົມການຄ້າຕ່າງປະເທດ , ກະຊວງອຸດສາຫະກຳ ແລະ ການຄ້າ ຮ່ວມກັບ ສະມາຄົມຫັດຖະກຳລາວ ໄດ້ນໍາພາຊ່າງຫັດຖະກຳລາວ ເຂົ້າຮ່ວມກິດຈະກຳ ສັບປະດາຫັດຖະກຳລາວ ໃນງານວາງສະແດງໂລກ Expo2025 Osaka, Japan ທີ່ເມືອງ ໂອສະກາ, ປະເທດ ຍີ່ປຸ່ນ
ຈຸດປະສົ່ງໃນການສ້າງກິດຈະກຳ ສັບປະດາຫັດຖະກຳລາວ ເພື່ອສ້າງສີສັນ ແລະ ດຶງດູດຄວາມໜ້າສົນໃຈ ພ້ອມກັບໂຄສະນາ ເຜີຍແພ່ສິລະປະວັດທະນະທໍາ ໃນດ້ານຫັດຖະກຳຂອງລາວ ສີໄມ້ລາຍມືອັນປານີດຂອງຊາວຊ່າງຫັດຖະກຳລາວ ດ້ານການຫຍິບປັກທັກແສ່ວ,ການຕໍ່າຫູກທໍໄໝ ແລະ ຄວາມມະຫັດສະຈັນຂອງລວດລາຍລາວ ໂດຍສະເພາະແມ່ນລວດລາຍນາກທີ່ໄດ້ຮັບເປັນມໍລະດົກໂລກທາງ. ດ້ານນາມມະທໍາຈາກອົງການ UNESCO ແລະ ອີກປະການໜຶ່ງກໍ່ໄດ້ເຜີຍແພ່ວັດທະນະທໍາ ຮິດຄອງປະເພນີ ການດຳລົງຊິວິດຂອງຊາວລາວ ເພື່ອດຶງດູດນັກທ່ອງທ່ຽວ ເຂົ້າມາທ່ຽວເຂົ້າຊົມປະເທດລາວໃຫ້ຫລາຍຂື້ນ
ພາຍໃນງານດັ່ງກ່າວ ໄດ້ສ້າງກິດຈະກຳຫລາກຫລາຍ. ໃນນັ້ນ, ມີການວາງສະແດງສິນຄ້າລາວໄຫມ, ຜ້າຝ້າຍ, ມີການບັນຍາຍນຳສະເຫນີ ຄວາມເປັນຜ້າລາຍນາກຂອງລາວ, ສາທິດການປັກດິ້ງ, ສານຜ້າບ່ຽງໄໝຄໍາ, ຕໍ່າກີ້ແອວ ຈາກແຂວງສາລະວັນ, ປັກແຊວຜ້າຂອງຊົນເຜົ່າ, ບັນລະຍາຍຂະບວນການປູກມອນລ້ຽງມ້ອນ ແລະ ສາທິດສາວໄຫມ, ນອກນັ້ນ ຍັງໄດ້ສ້າງກິດຈະກຳຄຶກຄັກ ຫລິ້ນເກມຕອບ- ຖາມ ຮັບລາງວັນຂອງທີ່ລະນືກ ແລະ ເດີນແບບຊຸດຊົນເຜົ່າຂອງລາວຟ້ອນລຳວົງລາວ ງານດັ່ງກ່າວໄດ້ຮັບຄວາມສົນໃຈຫລາຍຈາກ ຄົນຍິ່ປຸ່ນ ແລະ ຕ່າງປະເທດ.
,
