https://www.facebook.com/1441465205903839/

Chittan, Jagatpur (2026)

14/04/2026

💐💐💐💐💐💐💐💐
ଶୀର୍ଷକ- ମହାବିଷୁବ ସଂକ୍ରାନ୍ତି
💐💐💐💐💐💐💐💐
ଓଡ଼ିଆ ନୂତନ ବରଷ ଆରମ୍ଭ
ପ୍ରଥମ 'ବୈଶାଖ' ଦିନ,
ଏହାକୁ ଓଡ଼ିଆ କହଇ ତ 'ମହା
ବିଷୁବ ସଂକ୍ରାନ୍ତି' ପୁଣ। ୧।

ସୂର୍ଯ୍ୟଦେବ ଏହି ଦିନ ରହିଥାନ୍ତି
ବିଷୁବ ରେଖା ଉପରେ,
ସେଇ ପ୍ରଭାବରେ ତାପ ଅନୁଭବ
ହୁଏ ପ୍ରଖର ମାତ୍ରାରେ। ୨।

କଦଳୀ ନଡ଼ିଆ ବେଲ ଗୁଡ ଛେନା
ମିଶେଇ ହୁଅଇ ପଣା,
ଭଗବାନଙ୍କୁ ଅର୍ପଣ ହେବାରୁ ଯେ
ପଣା ସଂକ୍ରାନ୍ତିରେ ଗଣା । ୩।

ଲୋକେ ଛତୁଆ ଖାଇବାକୁ ପସନ୍ଦ
କରନ୍ତି ବିଭିନ୍ନ ସ୍ଥାନରେ,
ଏହାକୁ 'ଛତୁଆ ସଂକ୍ରାନ୍ତି' କୁହନ୍ତି,
ତେଣୁ ଅନେକ ସ୍ଥାନରେ । ୪।

ଗ୍ରୀଷ୍ମ ଋତୁର ତ ଆରମ୍ଭ ହୁଅଇ,
ଶୀତଳତା ମିଳିବାକୁ,
ତୁଳସୀ ଚଉରା ଉପରେ ବାନ୍ଧତି
ଲୋକେ ଗୋଟିଏ ଠେକି କୁ । ୫।

ବସୁନ୍ଧରା ଠେକି ବସାଇ ତୁଳସୀ
ଗଛେ ଢ଼ାଳି ଥାଉ ଅର୍ଣ୍ଣ,
ଟୋପା, ଟୋପା ଜଳ ଚଉଁରାରେ ପଡ଼ି
ତେଜ ରହେ ତାର ପର୍ଣ୍ଣ । ୬।

ହନୁମାନ ଜୟନ୍ତୀ ପାଳୁ ଅନେକ
ଓଡ଼ିଆ ପରିବାରରେ,
ସ୍ବତନ୍ତ୍ର ପୂଜା ଓ ଅର୍ଚ୍ଚନା ହୁଅଇ
ଦେବାଦେବୀ ମନ୍ଦିରରେ |୭|

ଶ୍ରୀକ୍ଷେତ୍ରରେ ଜଗନ୍ନାଥଙ୍କର ହୁଏ
କେତେ ନୀତିର ପାଳନ,
ଶ୍ରୀଅଙ୍ଗକୁ ଶୀତଳ କରିବା ପାଇଁ
ବୋଳା ଅଗୁର ଚନ୍ଦନ । ୮।

ଓଡ଼ିଆ ପଞ୍ଜିକାରେ ନୂତନ ବରଷ
ପରା ଆରମ୍ଭ ହୁଅଇ,
ଓଡିଆର ନବବର୍ଷ ଏହା ଆମ
ସଂସ୍କୃତିର ଗର୍ବ ଏହି । ୯।

ଗ୍ରାମ ଦେବତୀ ମା' ଜାଡୁଆଙ୍କ ପାଖେ
ଶଙ୍ଖ, ଘଣ୍ଟା ଆଳତୀ ରେ,
ଝାମୁ ଦଣ୍ଡ, ଝୁଣା ନିଆଁ ପାଟ ହୁଏ
ଦେବାଦେବୀ ମଣ୍ଡପରେ |୧୦|

ଭାବନାରେ ହର୍ଷ ଆନନ୍ଦକୁ ନେଇ
ଓଡ଼ିଆ ନୂତନ ବର୍ଷ,
ବିଷୁବ ସଂକ୍ରାନ୍ତି ଦିନରେ ଉତ୍କଳେ
କ୍ରାନ୍ତି ପାଇଁ ତୁମେ ଆସ |୧୧|

ତୁମ ଶୁଭ ଆଗମନ ପାଇଁ ଦେଖ
ହୋଇଛି ସୁନ୍ଦର ସଜ୍ଜା,
ସବୁଜ ପତ୍ରର ତୋରଣ ଲମ୍ବିଛି,
ବାଜୁଛି ମଙ୍ଗଳ ବାଜା |୧୨|

ନବବର୍ଷେ ନବହର୍ଷେ ନବୀନତା
ଆଣ ପ୍ରତ୍ୟେକ ଜୀବନେ,
ଆସ ଦୀନ ହୃଦୟର କୁଟୀରରେ
ଖୁସି ଅମିୟ ସିଞ୍ଚନେ |୧୩|

ଧୋଇଯାଉ ଆମର ମନୋମାଳିନ୍ୟ
ଯାହା ହୋଇଛି ସଞ୍ଚିତ,
ଆନନ୍ଦର ଝରଣାରେ ହୃଦୟକୁ
କର ପ୍ରେମରେ ପ୍ଳାବିତ |୧୪|

ଭୁଲିବିନି କେବେ ଆମ ପରମ୍ପରା
ମହା ବିଷୁବ ସଂକ୍ରାନ୍ତି,
ଧରମ ଜାତି ଭେଦ ଭାବ ନରଖି
ପାଳିବି ମୋର ସଂସ୍କୃତି |୧୫|

💐ଆପଣମାନଙ୍କୁ ପଣା ସଂକ୍ରାନ୍ତି ଏବଂ
ଓଡ଼ିଆ ନବ ବର୍ଷର ଶୁଭେଚ୍ଛା ଶୁଭ
କାମନା❤️❤️
ଶୁଭ ସକାଳ 💐💐💐
ଜୟ ଶ୍ରୀ ଜଗନ୍ନାଥ 🙏🙏
ଜୟ ଶ୍ରୀ ହନୁମାନ 🙏🙏
ଜୟ ଜୟ ମୋ ସଂସ୍କୃତି 🙏🙏
ଚିତ୍ତରଞ୍ଜନ ନନ୍ଦ, କଟକ

17/03/2026

************************
ପୁରୁଷ ଓ ନାରୀ ସଂସାର ରଥର
************************
ଅଭିନୟ ସବୁ ଏଠି, ନର ସ୍ୱାର୍ଥପର
ରଙ୍ଗ ଦେଖାଉ ତ ଏଠି ଅନେକ ପ୍ରକାର
କିଏ ଦରଦୀ ସାଜିଣ ନିଲାମ କରଇ
ଅନ୍ୟର ଚରିତ୍ରକୁ ତ ଜାଣି ଜାଣି ସେହି
|୧|

ପୁରୁଷ ଓ ନାରୀ ଉଭୟ ପରିପୂରକ,
ସଂସାର ରଥର ଉଭୟ ଦୁଇଟି ଚକ
ସଭିଏଁ କରୁଛେ ଏଠି ଆମେ ହିଁ ନାଟକ
ଜୀବନ ସଫଳ କରିବା, ଜନ୍ମ ସାର୍ଥକ
|୨|

ସ୍ୱପ୍ନ ମିଶା ବାସ୍ତବତା, ନାରୀ ହିଁ ଆଲୋକ,
ଧୈର୍ଯ୍ୟ ଧରି ଯୋଗାଏ ସଫଳତାର ଲୋକ,
ଚିତାନଳେ ଭସ୍ମ ନୁହେଁ ସେନେହ ବନ୍ଧନ,
କେବେ କାହିଁ ହେବ ନିଶ୍ଚେ ଶୁଭ ସମ୍ମେଳନ
|୩|

ଗୋଟିଏ ଚକରେ ରଥଟି ଅକାମୀ ହୁଏ,
ସଂସାର ରୂପକ ରଥଟି ଚାଲି ନଥାଏ,
ହୃଦୟକୁ ଥରେ ପଚାର ତୁମେ ହିଁ କିଏ,
ରଥର ଚକକୁ ତୁମେ ଭାଙ୍ଗିବାକୁ କିଏ
|୪|

ସୁଖ ଓ ଦୁଃଖ, ଏହି ତ ବିଚିତ୍ର ସଂସାର,
ମଧୁବୋଳା କଥାରେ କେ ଚଟାଏ ଜହର,
ଜାଣୁ ଜାଣୁ ତାଦ୍ୱାରା ହେବ ଯେ ନାରଖାର,
ଦଂଶି ଚାଲେ ପ୍ରକୃତିକୁ ଭୁଲି ବାରମ୍ବାର
|୫|

ହେଲେ ପଛରେ ଥାଏ ତାର କଳା ହୃଦୟ,
ଉପରେ ରଙ୍ଗଟି ସୁନ୍ଦର କିନ୍ତୁ ଗରଳ ସଦୃଶ୍ୟ,
ସେହି ମଣିଷ ଜାଳି ପୋଡି କରେ ପାଉଁଶ,
ସତେ କି କେଭେ ତାକୁ ଛୁଇଁବନି ଆୟୁଷ
|୬|

ପଚାର ମନକୁ ତୁମେ କର ବ୍ୟବହାର,
ମଣିଷ ଦିବ୍ୟତାର ନା ରୁକ୍ଷ ରାକ୍ଷସର,
ପରିଚୟ ଯେ ତୁମର, ନିଜେ ଚେଷ୍ଟା କର,
ତମର ବି ଅଛି ହୃଦୟ ଯାହା ସୁନ୍ଦର
|୭|
*****************
ଚିତ୍ତରଞ୍ଜନ ନନ୍ଦ
ଜଗତପୁର, କଟକ
*****************

16/03/2026

✏️Theme: The beauty of poetry

✏️ Title of poem: Poetry unites people
together
✏️ Author's name: Chittaranjan Nanda
✏️ Country: INDIA
✏️ Copyrighted
✏️TEXT:
Poetry gives liberty with a passion to bring people together,
On creativity, on every time of gold and bad weather.

Poet with knowledge and expression of emotion and feelings,
Like a teacher teaches, virtues and ideas as life's foundations.

Poetry uses vivid, sensory language to create lasting pictures,
Transforming present mind into a tangible, fleeting experiences.

As everything that comes from poet's hands learns its way back.
Words thrown to wind one day returns dressed in echo pack.

As law of return says he who sows thorns meets in his feet,
He who sows tenderness finds flowers in the way of it.

Writing a poem is a pure spiritual process existing within the moment,
Human heart takes precedence over the ego and the intellect.

I feel the flow of poetry is like a wave of light is running through me,
I find myself in enlightened space, merged with this creative force.

It’s communicating with the Soul on a most intimate level,
Spontaneously friendships develop, producing relationships, meaningful.

03/03/2026

🙏🙏🙏🙏🙏
ଲାଗିଲା ରଙ୍ଗ ଛିଟା
🙏🙏🙏🙏🙏
ଫଗୁ ଫଗୁ ଦିଶେ ଆଜି ଏଇ ଆକାଶଟା,
ସୁନ୍ଦର ଦିଶଇ ଆଜି ପୁନେଇଁ ଜହ୍ନଟା,
କହିଲୁ ମୋତେ ତୋର ମିଠା ମିଠା କଥାଟା,
ଥିଲା ଏକ ସାଧା କାଗଜ ମୋ ଜୀବନଟା
|୧|

କରିଣ କିମିଆ ଛାଟିଲୁ ଏଇ କି ଛିଟା,
ଫଗୁଣରେ ରଙ୍ଗ ମାଖି ଦେଲ, ସେ ରଙ୍ଗଟା
ଗୋରା ଦେହେ ଲଗାଇଲୁ କି ରଙ୍ଗର ଛିଟା
ପାଗେଳୀ ସତେକି ହୋଇଲା ମୋର ମନଟା
|୨|

ହୋଇଗଲ ତମେ ମୋ ଇପ୍ସିତ ମଣିଷଟା,
ପ୍ରଥମ ପ୍ରେମର ନିଶା ଅକୁହା ଭାଷାଟା,
ହୃଦୟରେ ଛାଟିଲୁ ସତରେ ଏ କି ଛିଟା,
ର଼ହିଲ ମୋର ପ୍ରତି ସ୍ପନ୍ଦନରେ, ପ୍ରେମଟା
|୩|

ପାଖେ ରହିଛି ଓ ରହିଥିବ ମୋ ମନଟା,
ସେବେଠୁ ବଦଳି ଗଲା ମୋର ଦୁନିଆଟା,
ସପନରେ ଆସ ପୁଣି ଚୋରାଅ ନିଦଟା,
ଭୁଲାଉଛ କହି ମୋତେ ମିଠା ମିଠା କଥା
|୪|

ନଦୀ ଜଳ ମିଶେ ସାଗରରେ ଯେ କଥାଟା,
ଦେଇ ଅବିର, ଗଭୀର କଲ ତ ପ୍ରେମଟା,
ପ୍ରେମ ରସ ରଙ୍ଗେ ରଙ୍ଗାୟୀତ ଦୁନିଆଟା,
ମେଳନେ ନୀଳମଣି ମନେ ପକାଏ କଥା
|୫|

ଦୋଳ ବେଦୀରେ ରାଧା ଓ ମୋ କଳା ବଦନ
ଜଗାର ରଙ୍ଗରେ ରାଧା ହୋଇଛି ରଙ୍ଗୀନ
ପ୍ରେମ ରଙ୍ଗେ ନୂଆ ଦିଶୁଛି ଧରା ଅଙ୍ଗନ
ଦେଖ ବା ନଦେଖ ଚାଲିଛି ପ୍ରୀତି ପାର୍ବଣ
|୬|

ଫଗୁର ରଙ୍ଗରେ ଦିଅ ଧୋଈ ମନୁ ପୁଣ,
ରହିଛି ତୁମର ଯେତେ ମାନ ଅପମାନ,
ପ୍ରେମର ରଙ୍ଗରେ ପୋଛ ମାନ ଅଭିମାନ
ରଙ୍ଗର ମେଲଣ ଇଏ ଖୁସିର ମେଲଣ
|୭|

ଫଗୁର ଶ୍ରାବଣରେ ବହଇ ଖୁସି ପୁଣ,
ସୁଖ ଓ ଦୁଃଖ ଭରା ଏଇ ଆମ ଜୀବନ,
ଆମ ଦୁଃଖକୁ ଯେ ଧୋଇ ଦେଉ ଫଗୁ ରଙ୍ଗ,
ରାଗ ଋଷା ନେଇ ବୋଳିଦେଉ ପ୍ରେମରଙ୍ଗ
|୮|
🙏🙏🙏🙏🙏🙏
ଚିତ୍ତରଞ୍ଜନ ନନ୍ଦ
ଜଗତପୁର କଟକ
🙏🙏🙏🙏🙏🙏

20/01/2026

*********************
କଳା କଳେବର କମଳ ଆଖି
*********************
ହେ କଳା କଳେବର ଅରବିନ୍ଦ ନୟନ,
ପୁଣ୍ଡରୀକାକ୍ଷ ତୁମେ ହେ କମଳ ନୟନ,
ରାଧା ପ୍ରେମୀକ ତୁମ ନାମ ପଦ୍ମ ଲୋଚନ,
ଆହେ ପୁଣ୍ଡରିକ ନେତ୍ର ରାଜୀବ ଲୋଚନ
|୧|

ଆହେ କଳାକୃଷ୍ଣ ତୁମରି ଆଖି ଦିଓଟି,
ସତେ ପଦ୍ମ ଭଳି ସୁନ୍ଦର ଦିଶୁ ଥାଏ ଟି,
ଆମ ଓଡ଼ିଆରେ ଗୋଟିଏ କଥା ଅଛି ଟି,
ଷୋଳ କଳାରୁ ଏକ କଳା ନନ୍ଦ ବାଳା ଟି
|୨|

ଆହେ ଜଗନ୍ନାଥ ତୁମେ କଳା କଳେବର,
ଷୋହଳ କଳା ତୁମର ଆହେ ନିରାକାର,
ତୁମେ ଅନାଦି ପରବ୍ରହ୍ମ ଏ ସଂସାରର,
ଦାରୁ ରୂପରେ ଆର୍ବିଭାବ ପରମେଶ୍ୱର
|୩|

ହେ କଳା କଳେବର ତୁମ କମଳ ଆଖି,
ଶତ ଲାଲିତ୍ୟର ଦୀପ୍ତି, ଲାଖି ଯାଏ ଆଖି,
କଳା ଠାକୁର, ସର୍ଵ କଳାର ସମାବେଶ,
ହେ ଶ୍ରୀନାଥ ଷୋଳ କଳା ପୂର୍ଣ୍ଣ ଅମୃତେଶ
|୪|

ତୁମ ମୁଖ ଚାରୁ ଚନ୍ଦ୍ରିକା ରୂପ ମାଧୁର୍ଯ୍ୟ,
ତାହା ମାଣିକ ମଣି ମୁକ୍ତା ଜ୍ୟୋତି ବୈଦୂର୍ୟ୍ଯ,
କହ୍ନେଇ, ଶାଶ୍ଵତ ପ୍ରେମର ଦିବ୍ୟ ସ୍ଵରୂପ,
ତୁମରି ଅଲୌକିକ ଲୀଳା କୀର୍ତ୍ତି କଳାପ
|୫|

ତୁମ ଷୋଳକଳା ଯୋଗ ଶାସ୍ତ୍ର, ତନ୍ତ୍ର ଶାସ୍ତ୍ର,
ଜ୍ୟୋତିଷ, ଶାସ୍ତ୍ର ଓ ଦର୍ଶନ ଶାସ୍ତ୍ର ଆଧାରିତ,
ହେ ଗୋସେଇଁ ସବୁ ଧର୍ମରେ ଯେ ସମାହିତ,
କାଳିଆ ସକଳ ମର୍ମର ରହସ୍ୟ ତତ୍ତ୍ୱ
|୬|

କଳା ଚାନ୍ଦ ତୁମେ କୋଟି ଲାବଣ୍ୟର କାନ୍ତି,
କଳା କାଞ୍ଚନ ତୁମେ ଶତ ଲାଲିତ୍ୟର ଦୀପ୍ତି,
ଚକାଡୋଳା ସକଳ ଦୃଷ୍ଟିର ଅନ୍ତର୍ଦୃଷ୍ଟି,
ଷୋଳ କଳାରେ ସମାହିତ ସମସ୍ତ ସ୍ଥିତି
|୭|
*********************
ଚିତ୍ତରଞ୍ଜନ ନନ୍ଦ କଟକ
*********************

15/01/2026

"""""""""""""""""""""""""""""""""""
🙏🙏🙏🙏🙏🙏🙏🙏
ଚତୁର୍ଯୁଗେ ସ୍ଵଦେହେ ସ୍ଵର୍ଗ ଗମନ
🙏🙏🙏🙏🙏🙏🙏🙏
""""""""""""""""""""""""""""""""""""
ମଣିଷ ଯୁଗ ପରେ ଯୁଗ ସ୍ବର୍ଗର
ସନ୍ଧାନ କରି ଯେ,
ହରେଇ ସାରିଛି ଜୀବନ ପୁରୁଷ
ପରେ ପୁରୁଷ ସେ,
ଅଦେଖା ସ୍ବର୍ଗକୁ ଖୋଜିଣ ମଣିଷ
ତାର ଜୀବନକୁ,
କରିଛି ନର୍କ, ଧର୍ମ ଧର୍ମ ମଧ୍ୟରେ
କରି ଲଢ଼େଇକୁ |୧|

ବୁଲୁଛି ତୀର୍ଥ ପରେ ତୀର୍ଥ ଗଢ଼ୁଛି
ପୂଜୁଛି ଈଶ୍ୱର,
ସୃଷ୍ଟି ହେଉଛନ୍ତି ପ୍ରତିଦିନ କେତେ
ନା କେତେ ଈଶ୍ୱର,
ପ୍ରକୃତ କଥା ହେଲା ସ୍ବର୍ଗ ବା ନର୍କ
କୋଉଠି ରହିଛି,
ସ୍ବର୍ଗ ବା ନର୍କ କେମିତି ଅଛି କିଏ
ସେ କଥା ଦେଖିଛି? |୨|

ବିଶ୍ୱାସ ରହିଛି ସତ୍ୟ ଧର୍ମ ନ୍ୟାୟ
ନୀତି ବ୍ରତ ବଳେ,
ଅସାଧ୍ୟ ସାଧନ ଅଟଇ ସ୍ବଦେହେ
ସର୍ଗ ଧାମେ ଚଳେ,
ଚାରି ଯୁଗରେ ସ୍ୱଦେହରେ ସ୍ଵର୍ଗକୁ
କରନ୍ତି ଗମନ,
ସମଗ୍ର ଦୁନିଆରେ କରି ଅଛନ୍ତି
ଜାଣ ଚାରି ଜଣ |୩|

ସତ୍ୟ ଯୁଗେ ନଚିକେତା ତ୍ରେତୟାରେ
ହରିଶ୍ଚନ୍ଦ୍ର ଦାନେ,
ସ୍ତ୍ରୀ ପୁତ୍ର ବିକ୍ରୟ କରି ପହଂଚିଲେ
ପରା ସ୍ୱର୍ଗ ସ୍ଥାନେ,
ଦ୍ୱାପର ଯୁଗରେ ରାଜା ଯୁଧିଷ୍ଠିର
ରାଜ୍ୟ ତ୍ୟାଗ କରି,
ଦ୍ରୌପଦୀକୁ ସାଥେ ନେଇ ଗଲେ
ସ୍ୱର୍ଗକୁ ସେପରି |୪|

ଥରେ କହିଥିଲେ ମିଛ ଧର୍ମରାଜ
ନର ବା ଗୁଞ୍ଜର,
ମୃତ୍ୟୁ ହୋଇଛି ଯୁଦ୍ଧେ ନଜାଣି ଦ୍ରୋଣ
ପୁତ୍ର ଅଶ୍ୱଥ୍ମାର,
କଳି ଯୁଗରେ ଇନ୍ଦ୍ରଦ୍ୟୁମ୍ନ ରାଜା ଯେ
କୁଆଡେ ସେପରି,
ସ୍ୱଦେହରେ ଗମନ କରି ଥିଲେ ସେ
ତ କଳ୍ପିତ ସ୍ଵର୍ଗପୁରୀ |୫|

ଚତୁର୍ଯୁଗେ ସ୍ଵଦେହେ ସ୍ଵର୍ଗ ଗମନ
ବିଶ୍ୱାସର କଥା,
ପୁରାଣ ଶାସ୍ତ୍ରରେ ଆମେ ହିଁ ସମସ୍ତେ
ପଢୁଅଛେ ଗାଥା,
ମଣିଷ ସୃଷ୍ଟି ହୁଅଇ ଏ ମର୍ତ୍ତ୍ୟଲୋକକୁ
ସ୍ବର୍ଗ କରିବାକୁ,
ଖୋଜୁଛି ନୂତନ ସ୍ବର୍ଗ, ନର୍କ କରି
ଏ ମର୍ତ୍ତ୍ୟଲୋକକୁ |୬|
""""""""""""""""""""""""""""""""""""
🙏🙏🙏🙏🙏🙏🙏🙏
ଚିତ୍ତରଞ୍ଜନ ନନ୍ଦ
ଜଗତପୁର, କଟକ
🙏🙏🙏🙏🙏🙏🙏🙏
""""""""""""""""""""""""""""""""""""

11/01/2026

*************
କେବେ ବୁଝିବ?
*************
ଫସଲ ଉଜୁଡି ଯେବେ ଯାଉଛି,
ଚାଷୀ ବିଷ ପିଇ ମରି ଯାଉଛି,
ଦେଶ ଜଳୁଛି ବେକାରୀ ଜ୍ୱାଳାରେ
ମରି ଯାଏ ସ୍ୱପ୍ନ ଯୁବ ଗୋଷ୍ଠୀରେ,
ସାମ୍ପ୍ରଦାୟିକ ଦଙ୍ଗା ଯେ ବଢ଼ଇ,
ଦେଶ ଫାଳ ଫାଳ ହୋଇ ଯାଅଇ,
ଅଧା ବୟସରେ ଲୋକ ମରୁଛି,
ସ୍ୱଳ୍ପ ଲୋକଙ୍କ ସମ୍ପତ୍ତି ବଢ଼ିଛି,
କିନ୍ତୁ ତୁଚ୍ଛା ମିଛ ଶବ୍ଦ ବାଣରେ,
ଦେଶ ଆଗେଇ ଚାଲିଛି କହୁରେ,
କାରଣଟି ଜାଣିବାକୁ ଅଛି ରେ,
ଗଢ଼ି ହୁଏ ମଣିଷର ଜୀବନ,
ଅନେକ ଯତ୍ନ ହିଁ ରହିଲେ ପୁଣ,
ସମ୍ପର୍କ ଗଢ଼ା ଯେ ବିନା ଦ୍ୱେଷରେ,
ଶବ୍ଦ ଭାଙ୍ଗେ, ପ୍ରେମ ହୁଏ ଶବ୍ଦରେ,
କେବେ ବୁଝିବ ହେ ଶାସକଗଣ,
ଓ ତାଙ୍କର ଚେଲା ଚାମୁଣ୍ଡାଗଣ
*************
ଚିତ୍ତରଞ୍ଜନ ନନ୍ଦ
ଜଗତପୁର, କଟକ
*************

10/01/2026

I got over 50 reactions on my posts last week! Thanks everyone for your support! 🎉

10/01/2026

******************
ସ୍ବଭାବେ ଅକୁଣ୍ଠିତ ଵୁଦ୍ଧି,
ଅଖଣ୍ଡ ଆତ୍ମଜ୍ଞାନ ନିଧି
******************
ମନରେ ରହିଛି ସ୍ୱାଭାବିକ ଜ୍ଞାନ,
ଯାହା ବିଚାରରେ ଆପେ ଆସେ ପୁଣ,
ତାହା କହୁ ପ୍ରାଣୀର ଅନ୍ତର ଜ୍ଞାନ,
ଅନ୍ତରର ଅନୁଭୂତି ଆତ୍ମଜ୍ଞାନ |୧|

ଆତ୍ମଜ୍ଞାନ ସଦାବେଳେ ଲୋଡ଼ା ହୁଏ,
ଯାହା ଜାଣିଵାଯୋଗ୍ୟ, ଜ୍ଞେୟ ବୋଲାଏ,
‘ଜ୍ଞେୟ’ ର ଆଦି ନାହିଁ କି ଅନ୍ତ ନାହିଁ,
ଆତ୍ମଜ୍ଞାନ ପ୍ରାପ୍ତି, ନିଧି ବୋଲିଥାଇ
|୨|

ଶୂନ୍ୟର ଅର୍ଥ କିଛି ନୁହେଁ ତ ସତ୍ୟ,
ଜାଣିବା ଏକ ଗୋଲଟି ବନାଇ ତ,
ଅଦ୍ୱୈତକୁ ଜାଣିବାକୁ ଜାଣୁ ଦ୍ୱୈତ,
କୃଷ୍ଣ ବାଣୀ ଅର୍ଜୁନକୁ ଗୀତାରେ ତ
|୩|

ଜ୍ଞାନ ଚକ୍ଷୁ ଖୋଲିଲେ ପରମାତ୍ମାଙ୍କୁ,
ଦେଖିବା ବାଷ୍ପ କଣିକାଠୁଁ ସୂକ୍ଷ୍ମକୁ,
ମୁକ୍ତି ପାଇଁ ସେହି ଜ୍ଞାନ ଦରକାର,
ଆଧ୍ୟାତ୍ମିକ ଜ୍ଞାନ, ନିତ୍ୟ ନିରନ୍ତର |୪|

ନିତ୍ୟ ନିରନ୍ତର ରହୁ ଏକାନ୍ତରେ,
ଆତ୍ମଜ୍ଞାନ ପ୍ରାପ୍ତି ସମ୍ଭବ ଧ୍ୟାନରେ,
ବିଶେଷ ଜ୍ଞାନ, ଏହା ହିଁ ସତ୍ ଜ୍ଞାନ,
ସଂସାରେ ସମାଧିରେ ରହିଵା ପୁଣ
|୫|

ଶିଶୁଟି ପ୍ରଥମେ ବିଦ୍ୟାଳୟ ଯାଏ,
ଅଜ୍ଞାନ ଓ ଅବୋଧ ସେ ରହିଥାଏ,
ପାପ ପୁଣ୍ୟ କ’ଣ ଧାରଣା ନଥାଏ,
ଭଲ କ’ଣ, ମନ୍ଦ କ’ଣ ଶିକ୍ଷା ପାଏ
|୬|

ତାହା ତ ସ୍ବଭାବେ ଅକୁଣ୍ଠିତ ଵୁଦ୍ଧି,
ଶିକ୍ଷାରେ ଅଖଣ୍ଡ ଆତ୍ମଜ୍ଞାନ ନିଧି,
ଆତ୍ମଜ୍ଞାନ ନିଧି ଦ୍ୱାରା ପରତ୍ମାଙ୍କୁ,
ଜାଣିବା, ଅନୁଭବ କରିବା ତାଙ୍କୁ |୭|

ରହିଛି ମୁଣ୍ଡକ ଉପନିଷଦରେ,
ଜ୍ଞାନ ଅର୍ଜନ ଆତ୍ମାର ସମ୍ପର୍କରେ,
କରି ହୁଏ ନାହିଁ ତ ପ୍ରବଚନରେ,
ଶାସ୍ତ୍ର ଘୋଷିଲେ, ହୁଏ ଅନୁଭବରେ
|୮|

‘ନାୟମାତ୍ମା ପ୍ରବଚନେନ ଲଭ୍ୟଃ,
ନ ମେଧୟା ନ ବହୂନା ଶ୍ରୁତେନ।’
******************
ଚିତ୍ତରଞ୍ଜନ ନନ୍ଦ
ଜଗତପୁର, କଟକ
******************

09/01/2026

*********
ବ୍ୟଭିଚାର
*********
ପୁରୁଷ ଯଦି ଅନ୍ୟ ବିବାହିତ ସ୍ତ୍ରୀ ସହ
ଯୌନ ସମ୍ଭୋଗ କରଇ
ବିବାହିତ ପୁରୁଷର ସହମତି ବିନା
ସେହି ସ୍ତ୍ରୀ ସଙ୍ଗେ ରହଇ |୧|

ବ୍ୟଭିଚାର ଅଭିଯୁକ୍ତ ପୁରୁଷଙ୍କ ପାଇଁ
ଦଣ୍ଡ ପ୍ରାବଧାନ ଥିଲା
ବ୍ୟଭିଚାରୀ ସ୍ତ୍ରୀ ପାଇଁ ତ ଦଣ୍ଡର ବ୍ୟବସ୍ଥା
ଆଇନରେ ତ ନଥିଲା |୨|

ସେହି ବ୍ୟଭିଚାର ଧାରା ଥିଵା ଚାରିଶହ
ସତାନବେ ଆଇନକୁ,
ସର୍ବୋଚ୍ଚ ନ୍ୟାୟାଳୟ ଘୋଷଣା କରିଛନ୍ତି
ଅସାମ୍ବିଧାନିକ ତାକୁ |୩|

ତେବେ ଏହା ବିବାହର ବିଚ୍ଛେଦ ନିମନ୍ତେ
ଆଇନଗତ କାରଣ,
ଏବେ ମଧ୍ୟ ହିନ୍ଦୁ ବିବାହ ଅଧିନିୟମ
ଅନୁଯାଇ ରହେ ଜାଣ |୪|

ଗରୁଡ଼ ପୁରାଣ ଅନୁସାରେ ବ୍ୟଭିଚାର
କରିବାହିଁ ଅଟେ ପାପ,
କିମ୍ବା ଅନ୍ୟର ପତ୍ନୀ ସହ ଯୌନ ଅନୀତି
କରିବା ଅଟଇ ପାପ |୫|

ଏହି ପାପ କରିବା ବ୍ୟକ୍ତିକୁ କର୍ମ ଫଳ
ତାପନ ନରକ ମିଳଇ,
ଯେଉଁଥି ପାଇଁ ଅଗ୍ନି ଓ ଗରମ ଲୋହାରେ
ଦଗ୍ଧ ହେବା ହିଁ ପଡ଼ଇ |୬|

ପତି ଓ ପତ୍ନୀ ଉଭୟଙ୍କ ପ୍ରତି ଅନ୍ତରେ
ଅନିଷ୍ଠା ଯେ ଥିଲେ ରହି,
ବଜ୍ରକଣ୍ଟକ ନରକେ ଲୋହାର କଣ୍ଟକ
ଯନ୍ତ୍ରଣା ପରା ଭୋଗଇ |୭|

ଆକାଶରେ ଇନ୍ଦ୍ରଙ୍କୁ ଥରେ ମାତ୍ର ଚାହିଁଵା
ଅପରାଧେ ଅହଲ୍ୟାଙ୍କୁ,
ସ୍ୱାମୀ ଅଭିଶାପେ ଅନେକ ଯୁଗ ପଥର
ହେବା ଉପାଖ୍ୟାନଟିକୁ |୮|

ନାରୀ ହିଁ ପୁରୁଷକୁ ପ୍ରଲୋଭନ ଦେଖାଏ
ବୋଲି କର ଯେ ପ୍ରଚାର,
ଧର୍ମରେ ତାହାର ନାହିଁ ଅଧିକାର, ଶୁଦ୍ରା
ନାରୀ ନରକର ଦ୍ୱାର |୯|

ସଂସାରେ ଧର୍ମର ତମେ ରକ୍ଷିତା ଯେତକ
ଖୋଲିଛ ହଜାର କୋଠୀ,
ଜଗୁଆଳି ହୋଇ ବସ ତମେ ଗରିବର
ଲୁଟିବ ଗରୀବ ରୁଟି |୧୦|

ମଣିଷ ଓ ପୁରୁଷ ସ୍ତ୍ରୀ ଭିତରେ ଗଢିବ
ପ୍ରାଚୀର ଶତ ଶତ,
କାହିଁକି ଶୋଷି ନେବା ପାଇଁ ଏଇ ସମାଜରୁ
ମାନବିକତାର ରକ୍ତ |୧୧|

ବ୍ୟଭିଚାର ଓ ସବୁର ମୂଳ ରୋଗ ହେଲା
ବିଶ୍ୱାସର ଯେ ଅଭାବ,
ମୂଲ୍ୟ ବିହୀନ ଚିନ୍ତାଧାରା ଏବଂ ସଠିକ
ଉପଚାରର ଅଭାବ |୧୨|
******************
ଚିତ୍ତରଞ୍ଜନ ନନ୍ଦ
ଜଗତପୁର, କଟକ
******************

Chittan

14/04/2026

17/03/2026

16/03/2026

03/03/2026

20/01/2026

15/01/2026

11/01/2026

10/01/2026

10/01/2026

09/01/2026

Address

Telephone

Website

Alerts

Contact The Business

Shortcuts

Share

Category