18/04/2025
2025年4月18日
兩個多月前喺日本買咗隻龍珠。 1986年原版七寸黑膠。
返到嚟之後，發覺炒魷魚好犀利，擺唱針上去嘅時候跳得好緊要，大半首歌都播唔到。
以前我喺香港，我會搵人用專門壓碟機去壓碟，但喺英國好難搵。
好耐之前，我聽過可以擺厚玻璃入焗爐去夾碟，但我冇厚玻璃。 我有黑麻石，我搵ai研究咗40個網站，結論係，眾說紛紜，唔建議土炮做法😂。
經過低溫度唔成功……
後來我得出結論系，首先整個纸套。 中間開大窿，（一般黑膠嘅中心厚道系比較厚啲咁多）令到黑膠唱片盡量平面（如果12吋膠，你嗰個套，最好用厚身嗰種）
兩塊黑麻石先分開預熱，隻膠都要擺埋去預熱（只黑膠本身個膠，熱度有一定程度嘅軟化。 當然，呢個溫度控制好緊要，好難一概而論，因為每個家用焗爐個溫度都未必一樣）
預熱一輪之後，我就將黑膠擺喺兩塊黑麻石嘅中間。
跟住喺唔太高溫嘅情況（因為七寸膠同12寸膠厚度唔同，仲有每隻膠嘅料唔同，所以好難講溫度幾多，要自己嘗試。）
擺放大約個多小時，檢查吓壓平有變化之後，自然冷卻又用多一個多小時。
終於成功咗😂
