22/10/2025
„მუსიკა თავისუფლებისთვის“ – საქართველოს მუსიკოსთა პროფკავშირი რუსთავში კონცერტს გამართავს
15 ნოემბერს, 17:00 საათზე, რუსთავში ახლად გახსნილი დამოუკიდებელი თეატრი „ბრავო“ პირველ მნიშვნელოვან მუსიკალურ ღონისძიებას – „მუსიკალური აქცენტი - რუსთავი“ – უმასპინძლებს. კონცერტი, რომლის მთავარი გზავნილია „მუსიკა თავისუფლებისთვის!“, საქართველოს მუსიკოსთა პროფესიული კავშირის (სმპკ) ორგანიზებით იმართება.
ორგანიზატორების განცხადებით, ღონისძიების მიზანია ქართველი მუსიკოსების გაერთიანება სოლიდარობის, შემოქმედებითი თავისუფლებისა და ქვეყნის ევროპული არჩევანის მხარდასაჭერად.
„მუსიკა ყოველთვის იყო ჩვენი ბრძოლის, ჩვენი იმედისა და ერთიანობის ხმა. ამ კონცერტზე, ქართველი მუსიკოსები კიდევ ერთხელ გავაერთიანებთ ჩვენს ენერგიას და თავისუფლების ჰიმნებს შევასრულებთ,“ - ნათქვამია პროფკავშირის მიერ გავრცელებულ რელიზში.
