Eisteddfod Powys 2026

27/07/2026

Tlws Ieuenctid
Llongyfarchiadau gwresog i Heledd Edwards, Talerddig a ddaeth yn fuddugol yng nghystadleuaeth Y Tlws Ieuenctid, am ei chasgliad o 3 darn o waith gwreiddiol.

Mae Heledd yn ddisgybl yn Ysgol Bro Hyddgen, newydd gwblhau arholiadau TGAU, ac yn gobeithio mynd ymlaen i'r Chweched Dosbarth yno ym mis Medi. Y beirniad oedd Mari George.

Cafodd y Tlws ei greu gan y wneuthurwraig leol Elin Angharad, a diolch o galon i Huw Jones ac Eirian, Henllys am noddi'r gystadleuaeth.

Llongyfarchiadau mawr i Heledd hefyd ar ei llwyddiant yn dod i'r brig yn y gystadleuaeth hon yn Eisteddfod Llanbrynmair yn ddiweddar. Gwych iawn. Dalier ati!

Darllenwch yma-
Rhyddiaith Tlws Ieuenctid: www.eisteddfodpowys.co.uk/downloads/2026/rhyddiaith/rhyddiaith-ieuenctid.pdf

Mae holl waith llenyddol a beirniadaethau ar gael ar ein GWEFAN: www.eisteddfodpowys.co.uk

📸Gyda diolch i Cathrin Eleri Humphreys am y llun.

27/07/2026

📸Lluniau: Nos Wener
Gyda diolch i Cathrin Eleri Humphreys.

25/07/2026

📸Lluniau: Nos Sadwrn
Gyda diolch i Cathrin Eleri Humphreys.

25/07/2026

Cwpan David Peate
Llongyfarchiadau mawr i Gerallt Rhys Jones , Brynmeurig ar dderbyn Cwpan David Peate, am ei lwyddiant yn yr adran Gosod Blodau.

📸Gyda diolch i Cathrin Eleri Humphreys am y lluniau.

25/07/2026

Cystadleuaeth Cyfansoddi Agored
Llongyfarchiadau gwresog i Liam Stuart Rickard ar ddod yn fuddugol yn y gystadleuaeth Cyfansoddi Agored, Eisteddfod Powys 2026.

Y briff oedd cyfansoddi tôn Newydd i’r geiriau 'Nid wy’n gofyn bywyd moethus'. Diolch i'r beirniad, Sioned Webb am feirniadaethau calonogol i'r tri wnaeth gystadlu.

📸Gyda diolch i Cathrin Eleri Humphreys am y lluniau.

25/07/2026

Cystadleuaeth Tlws y Dysgwr
Llongyfarchiadau mawr i Linda McGrath ar ddod yn fuddugol yng nghystadleuaeth Tlws y Dysgwr, Eisteddfod Powys Bro Ddyfi 2026!

Yn y gystadleuaeth hon, gofynwyd am ddau ddarn o waith gwreiddiol, ar unrhyw thema. Daeth 5 ymgais i law, ac yn ôl y beirniad Sue Hyland, roedd y safon yn arbennig o dda!

Diolch i'r wneuthurwraig leol Elin Angharad am greu'r Tlws arbennig yma, ac i Rhiain Bebb a Howard Potter am noddi'r Tlws.

Darllenwch y gwaith buddugol a'r feirniadaeth yma-

Tlws y Dysgwr:http://www.eisteddfodpowys.co.uk/downloads/2026/dysgwyr/tlws-y-dysgwr.pdf

Beirniadaeth:http://www.eisteddfodpowys.co.uk/downloads/2026/dysgwyr/beirniadaeth-tlws-y-dysgwr.pdf

📸Gyda diolch i Cathrin Eleri Humphreys am y lluniau.

Mae holl weithiau a beirniadaethau llenyddol yr Eisteddfod yn fyw ar ein GWEFAN rŵan: www.eisteddfodpowys.co.uk.

25/07/2026

Cystadleuaeth y Gadair
Llongyfarchiadau i Arwel Emlyn Jones ar ddod yn fuddugol yng nghystadleuaeth y Gadair yn Eisteddfod Powys Bro Ddyfi 2026! Bu iddo dderbyn y wobr am ei awdl yn seiliedig ar y testun 'Llwybrau', a'r beirniad oedd Carwyn Eckley.

Daw 'Crwydryn Arfordir Cymru' yn wreiddiol o Ruthun, ac fel y mae'r ffugenw'n awgrymu, mae'n hoff iawn o grwydro, ac wedi cerdded arfordir Cymru i gyd! Yn ôl y beirniad, dyma 'feistr cynganeddol'.

Darllenwch yma-

Y Gadair:http://www.eisteddfodpowys.co.uk/downloads/2026/barddoniaeth/y-gadair.pdf

Beirniadaeth Y Gadair:http://www.eisteddfodpowys.co.uk/downloads/2026/barddoniaeth/beirniadaeth-y-gadair.pdf

Mae'r gadair arbennig yma wedi'i chreu gan y gwneuthurwr lleol Aled Lewis Furniture Design. Diolch o galon i UAC/FUW am noddi'r Gadair.

Mae holl weithiau a beirniadaethau llenyddol yr Eisteddfod yn fyw ar ein GWEFAN rŵan: www.eisteddfodpowys.co.uk.

📸 Gyda diolch i Cathrin Eleri Humphreys am y lluniau.

24/07/2026

21/07/2026

Cystadleuaeth y Goron
Llongyfarchiadau i Heledd Glyn ar ddod yn fuddugol yng nghystadleuaeth y Goron yn Eisteddfod Powys Bro Ddyfi 2026! Bu iddi dderbyn y wobr am ei chasgliad o weithiau rhyddiaith yn seiliedig ar y testun 'Gwawrio', a'r beirniad oedd Mari George.

Mae Heledd yn wraig, yn fam i dri o blant ac yn athrawes yn Ysgol Bro Idris, Dinas Mawddwy. Braf oedd gweld cynrychiolaeth o Ysgol Bro Idris wrth i nifer helaeth o'r disgyblion gymryd rhan yn y ddawns flodau neu fel swyddogion cynorthwyol yn ystod y seremoni.

Mae'r goron arbennig yma wedi'i chreu gan y wneuthurwraig dalentog Gemwaith Mari Eluned Jewellery. Diolch o galon i UCA am noddi'r Goron.

Mae holl weithiau a beirniadaethau llenyddol yr Eisteddfod yn fyw ar ein GWEFAN rŵan: www.eisteddfodpowys.co.uk.

15/07/2026

Anhygoel, bob un ohonoch. Llongyfarchiadau anferthol i'r disgyblion ac i Mrs Heledd Glyn ar ddod yn fuddugol yng nghystadleuaeth y Goron!🌟👑🎶✍🏼🎪
Llwyddiannau Ysgol Bro Idris