Mr. Amr Barakat's Students

13/08/2026

📌 إزاي نثبت الكلمات الجديدة عند الطلاب؟

واحدة من أنجح الطرق هي التخيل والرسم (Visualization).

✅ مثال من الحصة:

رسمت على السبورة أشكال بسيطة (stick figures) عشان أوضح معنى الصيام و الصلاة في رمضان:

• Fasting → شخص ومعاه عبارة No food من 🌅 الفجر لحد 🌇 المغرب.

• Prayer → شكل بيعمل السجود.

• Iftar → Mr. Amr على السفرة.

💡 ليه الطريقة دي فعّالة؟

1. السياق (Context): الكلمات مرتبطة بموقف حياتي.

2. الترميز المزدوج (Dual Coding): الطالب يشوف الكلمة + الصورة مع بعض.

3. مشاركة فعّالة (Active Learning): الطالب يرسم بنفسه كلمات جديدة.

4. تجميع الكلمات (Chunking): الكلمات كلها تحت موضوع واحد (رمضان).

5. التخصيص (Personalization): الكلمات مرتبطة بحياة الطالب → أسهل في التذكر.

🎯 النتيجة: الطالب ما يحفظش الكلمة لوحدها، لكن

يتذكرها كجزء من صورة أو قصة

فكر وإبداع مش حفظ

حصتنا مختلفة ❤️

Mr. Amr Barakat

13/08/2026

خطة حفظ الكلمات بأسلوب “Mr. Amr”

عنوان البوست:

“إزاي تخلي الكلمات الإنجليزي تمشي وراك لحد ما تحفظها” 😎📚

📌1. طريقة الـ Chunks: “الكلمة مش لوحدها”

• بدل ما تحفظ كلمة وحدها، احفظها في جملة أو مع مجموعة كلمات مرتبطة.
• مثال: بدل ما تحفظ “take” لوحدها، احفظ:�
◦ take a photo
◦ take a seat
◦ take a break
•
• كده عقلك بيخزنها كحزمة Combo Meal 🍔+🥤 مش سندوتش فاضي.

📌2. طريقة الـ Mind Map: “العيلة الكبيرة”

• الكلمة تبقى في النص، وتعمل لها فروع زي شجرة العيلة.
• مثال: كلمة travel�
◦ Places: Egypt, Paris, Italy
◦ Verbs: pack, fly, book
◦ Feelings: excited, nervous
◦ Objects: passport, suitcase, ticket
•
• بتربط الكلمة بصور وألوان علشان دماغك تحبها وتحس إنها كارتون 🎨.

📌3. طريقة الكوميك أو الكاريكاتير: “ضحك + حفظ”

• ارسم كاريكاتير أو مشهد كوميدي للكلمة.
• مثال: كلمة lazy → ارسم سلحفاة لابسة بطانية وبتمسك ريموت 😂.
• الضحك بيخلي الكلمة تتحفر في دماغك.

📌4. طريقة القصة القصيرة: “احكي وانسى النسيان”

• اختر 5 كلمات جديدة، وحطهم في قصة غريبة.
• كل ما كانت القصة أغرب، كل ما الكلمات تلزق أكتر.
• مثال: كلمة storm, umbrella, chicken, dance, phone →�“In the storm, a chicken was dancing under an umbrella while talking on the phone” 🐔☂️💃📱

📌5. طريقة المواقف الحقيقية: “عيش الدور”

• الكلمة الجديدة جرب تستخدمها في مواقف حياتك اليومية.
• مثال: كلمة hungry → بدل ما تقول “جعان”، قول “I’m hungry” وانت في البيت أو المطعم.

🎯 نصيحة ذهبية:

• كل طريقة من دول استخدمها على الأقل مرتين مع نفس الكلمة خلال الأسبوع.
• خلي الكلمة تعيش معاك في كذا شكل: جملة – صورة – قصة – تمثيل
شير الكل يستفيد ومتنساش تدعيلي دعوة حلوة
Mr.Amr Barakat

اللهم علماً ينتفع به الجميع
أسيبكم مع رسوماتي المتواضعة 😂😂 شخابيطي
❤️ https://www.facebook.com/profile.php?id=100068353120857&mibextid=wwXIfr&mibextid=wwXIfr
صفحتي شرف لي متابعتكم ❤️

13/08/2026

مهارة الكتابة ( Writing) في ثانوي عاملة عقدة كبيرة عند المعظم وبيعانوا منها عشان كده هقولكم علي سر تطور طلابنا في ثانوي في كتابة ال essay بشكل احترافي وأكاديمي ومش معتمد علي الحفظ إطلاقاً ❤️
كمل معايا البوست ومش هتندم
ده نموذج لطالبة ما شاء الله دلوقتي داخلة اولي جامعة ودي طريقة ال Mind Map بتاعتنا في التسهيل وأنا هكتبلكم نموذج تاني موضح الدنيا
يلا بينا 📌
� كيف تكتب Essay أكاديمي بطريقة سهلة ومنظمة

📌كتابة الـ Essay مش صعبة لو اتبعت خطوات واضحة وثابتة.
أنا دايمًا بستخدم مع طلابي طريقة BROT – TEXS – SO لأنها منظمة وتخلي الطالب عارف يكتب من غير ما يتوه.

✏️ 1- الـ Introduction (BROT)

• B – Background: اكتب خلفية عن الموضوع (تعريف أو وصف بسيط).
• R – Rephrase: عيد صياغة الخلفية بكلماتك.
• O – Opinion: قول رأيك بوضوح.
• T – Thesis: حدد الفقرات اللي هتناقشها في المقال.

✏️ 2- الـ Body (TEXS) – كل فقرة نكتبها بنفس الترتيب:

• T – Topic sentence: جملة افتتاحية توضح فكرة الفقرة.
• E – Explain: شرح الفكرة.
• X – Examples: أمثلة تدعم كلامك.
• S – Summary: جملة تلخص الفقرة.

✏️ 3- الـ Conclusion (SO)

• S – Summary: لخص أهم الأفكار اللي قلتها.
• O – Opinion: أكد رأيك أو اعمل نصيحة في النهاية.

🔍 مثال تطبيقي: Technology Essay

Introduction
B: Technology means using science to create tools and systems that make life easier.
R: In other words, it uses knowledge to solve problems and improve life.
O: I believe technology makes life better if used wisely.
T: This essay discusses communication, education, and healthcare.

Body

Paragraph 1: Communication
T: Technology improved communication.
E: We can now talk instantly worldwide.
X: Mobile phones, video calls, and social media.
S: Communication is faster and easier.

Paragraph 2: Education
T: Technology helps in education.
E: Students can learn online anytime.
X: Websites, apps, and online courses.
S: Learning is flexible and interesting.

Paragraph 3: Healthcare
T: Technology improves healthcare services.
E: Doctors can diagnose diseases faster and patients can get better treatment.
X: Medical machines, online consultations, and health apps.
S: Technology saves lives and improves health.

Conclusion
S: Technology improves communication, education, and healthcare.
O: We should use it positively to make life better.

📌 نصيحة: لو حفظت ترتيب BROT – TEXS – SO هتقدر تكتب أي Essay بسهولة حتى لو الموضوع جديد
عليك https://www.facebook.com/share/v/16jSdAgyPH/?mibextid=wwXIfr
ده فيديو كمان بيشرح كل حاجه بالتفصيل ❤️
إيدك والشير
بلاش نسرق المجهود ونأخذه كوبي 😉
اللهم علماً ينتفع به الجميع ❤️
لو عجبك البوست واستفدت شير واكتبلنا في البوست اي مشاكلكم في الإنجلش

Mr. Amr Barakat ❤️
صفحتي شرف لي متابعتكم
https://www.facebook.com/profile.php?id=100068353120857&mibextid=wwXIfr&mibextid=wwXIfr

13/08/2026

والطلاب راجعة من الاجازة للدرس مع أول حصة انجليزي 😁😁

10/08/2026

الحد الأدني للقبول بالجامعات علمي علوم وعلمي رياضة وأدبي

04/08/2026

رأي شخصي… من واقع تجربة داخل الفصل. ❤️

بقالي سنين بدرس اللغة الإنجليزية، وكل يوم بحتك بالطلبة، وبشوف بعيني إيه اللي بينجح وإيه اللي محتاج يتغير.

وعشان كده حابب أشارككم وجهة نظري…

كل فترة بنسمع عن تطوير للمناهج، وتغيير للكتب، وإضافة أفكار جديدة، والكلام عن Student-Centered Learning، وCommunicative Language Teaching (CLT)، وActive Learning، واتباع معايير أكاديمية ودولية.

وده كله شيء ممتاز… بل ومطلوب.

لكن السؤال الحقيقي هو:
هل مواصفات الامتحان نفسها اتغيرت؟

في رأيي… لأ.

وطول ما الامتحان بيقيس الطالب على إنه حافظ معلومة، أكتر من إنه قادر يستخدم اللغة، فهنفضل ندور في نفس الدايرة.

الطالب هيذاكر عشان ينجح…
مش عشان يتعلم.

هيحفظ كلمات…
لكن مش هيستخدمها.

هيذاكر قواعد…
لكن مش هيعرف يتكلم، ولا يكتب، ولا يفهم اللي بيسمعه.

وده لأن في التربية فيه مبدأ معروف جدًا:

“Assessment Drives Learning.”

بمعنى إن طريقة التقييم هي اللي بتوجه طريقة التعلم.

لو الامتحان بيقيس الحفظ…
المعلم هيشرح للحفظ، والطالب هيذاكر للحفظ.

لكن لو الامتحان بدأ يقيس مهارات اللغة الحقيقية…
ساعتها الفصل كله هيتغير.

أنا مؤمن إن أي تطوير حقيقي لازم يبدأ من مواصفات الامتحان.

لازم التقييم يقيس:
✅ Listening
✅ Speaking
✅ Reading
✅ Writing

لأن دي هي اللغة… مش مجرد ورقة امتحان.

وفي نقطة تانية، يمكن تكون أهم من المنهج نفسه… وهي المعلم.

لو عايزين نواكب التطوير، فلازم يكون فيه استثمار حقيقي في تدريب المعلمين.

مش تدريب يومين أو ثلاثة، نحضر فيهم كام محاضرة ونمشي.

إحنا محتاجين برامج تدريبية قوية، من جهات دولية متخصصة، ومعتمدة، زي TEFL وغيرها، تكون مدتها لا تقل عن شهرين، ويكون فيها تدريب عملي، ومتابعة، وتقييم حقيقي، علشان نخرج كوادر قادرة تطبق أحدث استراتيجيات تدريس اللغة داخل الفصل.

لأن تطوير التعليم… يبدأ بتطوير المعلم.

أما عن تجربتنا…

الحمد لله، من أول يوم بدأنا، كان عندنا مبدأ واضح:

إحنا مش بنشرح المادة بس… إحنا بنعلّم اللغة من خلال المادة.

بنربط المنهج باستخدام اللغة الحقيقي.

الطالب بيسمع…
ويتكلم…
ويقرأ…
ويكتب…

وبيمارس الإنجلش بشكل طبيعي داخل الحصة، مش مجرد يحفظها قبل الامتحان.

والحمد لله، شفنا أثر ده في مستوى طلابنا، ولسه مكملين بنفس الفكر، لأننا مؤمنين إن الإنجليزي مش مادة نجاح ورسوب… الإنجليزي مهارة حياة.

وفي النهاية…
ده مجرد رأي شخصي، نابع من تجربة عملية داخل الفصل، ويمكن ناس تختلف معايا، وده شيء أحترمه.

لكن أتمنى بجد إن ييجي اليوم اللي تكون فيه مواصفات الامتحان بتخدم الهدف الحقيقي من تعلم اللغة… مش مجرد النجاح في المادة.

وقتها بس… هنقدر نقول إننا بنعلّم لغة، مش بنجهّز لامتحان. 💙

Mr. Amr Barakat

02/08/2026

التقديم لمدارس STEM

وزارة التربية والتعليم تعلن فتح باب التقدم إلكترونيًا لمدارس المتفوقين للعلوم والتكنولوجيا (STEM) ومدرسة المتفوقين الثانوية بعين شمس

الاحد ٢ أغسطس 2026

أعلنت وزارة التربية والتعليم والتعليم الفني فتح باب التقدم إلكترونيًا لالتحاق الطلاب الحاصلين على الشهادة الإعدادية (بنين / بنات) للعام الدراسي 2025 / 2026 بمدارس المتفوقين في العلوم والتكنولوجيا (STEM) ومدرسة المتفوقين الثانوية بعين شمس، 26/2027، حتى يوم الأحد الموافق 9 أغسطس 2026 وذلك من خلال الموقع الإلكتروني المخصص للتقديم عبر الرابط:

https://exls.emis.gov.eg

وأوضحت الوزارة بأنه تقرر إجراء اختبارات القبول لمدارس المتفوقين في العلوم والتكنولوجيا “STEM” خلال الفترة من يوم الأحد الموافق 16 أغسطس 2026 وحتى يوم الخميس الموافق 20 أغسطس 2026، وذلك للطلاب المستوفين لشروط التقدم المقررة لكل مدرسة والتي يمكن الاطلاع عليها من خلال الموقع الرسمي المخصص للتقديم.

31/07/2026

🌟شروط ستيم 26-27 🌟

100 نقطة هي مقياس القبول هيتقبل أعلى 2000 طالب تقريبا محققين أعلى نقاط . كالتالي
50 نقطة اختبار القبول ( 10 رياضيات 10 علوم 10 إنجليزي 20 IQ )
50 نقطة للآتي
أولًا: مجموع الإعدادية = 10 نقاط
كل درجة فوق 260 بتاخد عليها نصف نقطة.
مثال:
260 = 0
262 = 1
265 = 2.5
270 = 5
280 = 10

يعني حتى لو جايب الدرجة النهائية...
كل اللي هتكسبه 10 نقاط بس.
ثانيًا: الدرجات النهائية

لو جايب Full Mark:

رياضة = نقطة علوم = نقطة إنجليزي = نقطة
عربي = نصف دراسات = نصف
الإجمالي = 4 نقاط.
ثالثًا: المسابقات
لو كنت مشارك عالم او أفريقيا أو جمهورية في ISEF . ISTEF. Kangaroo IEEE وغيرها
تاخد لحد 10 درجات.

رابعًا: البطولات الرياضية

لو بطل جمهورية أو بطولة عالم...

تاخد لحد 10 درجات.

خامسًا: خطاب التحفيز هتكتب خطاب فيه:

ليه عايز تدخل STEM؟
خطتك للمستقبل.
وتقترح حل لمشكلة في مصر . وده شبه CAPSTONE اللي الولاد بيعملوه في STEM

وعليه 6 درجات.

سادسًا : المقابلة الشخصية فيه Interview ودي لسة بدون أي تفاصيل هتتعمل فيمن ولا مع مين اللي هيقيم !!؟؟

وعليه 10 درجات.
هيقيسوا: الشخصية ، القيادة ، التواصل ، سرعة التفكير واتخاذ القرار .

بالتوفيق باذن الله 🌹

30/07/2026

https://exls.emis.gov.eg/
التقديم لمدارس STEM للعام الدراسي 2026/2027
يرجي قراءة الشروط جيدا قبل التقدم و بالتوفيق للجميع أن شاء الله

30/07/2026

اوائل الشهاده الإعدادية قبل وبعد التظلمات

ما شاء الله اللهم بارك واحفظهم من كل سوء

ال ٥ يستحقوها بجداره

التزام أخلاق شطارة تميز

بارك الله فيكم وإن شاء الله عقبال البكالوريا واوائل بإذن الله ❤️

مليون مبرووووك ليكم وربنا يوفقكم فيما هو قادم ❤️👏

٢٨٠/٢٨٠
اوائل المحافظه ٢٠٢٦
احفظوا البوست ده كويس عشان هنهنيكم كمان سنتين إن شاء الله ❤️