29/04/2026
በሳምንት እስከ 11,000 ዶላር ገቢ..! አሜሪካን ባዶ እጅ ገብቶ፣ ላቡን ጠብ አድርጎ በመስራት ግዙፍ የቢዝነስ ግዛት መገንባት ይቻላል? ይህ የፊልም ታሪክ አይደለም፤ የአራት ኪሎው ልጅ የጀሚል ሙክታር አስገራሚ የህይወት ጉዞ ነው! 🚀
አብዛኞቻችን አሜሪካ ሲባል ዛፍ ላይ ብር የሚለቀም ይመስለናል። ጀሚል ግን በ2002 ዓ.ም አካባቢ በዲቪ ሎተሪ አሜሪካ ሲገባ የተቀበለው ፈታኝ ህይወት ነበር። ቀኑን ሙሉ በዕቃ ግምጃ ቤት (Warehouse) ደክሞ፣ ማታ ደግሞ በነዳጅ ማደያ (Gas Station) እየሰራ እንቅልፍ አልባ ሌሊቶችን በሰው ሀገር አሳልፏል።
ነገር ግን እዛው ሆኖ ህልሙን አላቆመም። የትራክ (የጭነት መኪና) አነዳድ እዛው ስራ ቦታው ላይ እየተለማመደ ራሱን ወደ አዲስ ምዕራፍ አሸጋገረ። ዛሬ በዳላስ ቴክሳስ ውስጥ የራሱ የሆነ ግዙፍ የትራክ መለዋወጫ፣ ጥገና እና ፓርኪንግ (All State) ባለቤት መሆን ችሏል! ከአንድ ትራክ ተነስቶ፣ ዛሬ ከመቶ በላይ ትራኮችን የሚያስተዳድር ትልቅ ደረጃ ላይ ደርሷል። 🚚
የጀሚል ታሪክ ይበልጥ ልዩ የሚያደርገው በደረሰበት የስኬት ማማ ላይ ብቻውን አለመቆሙ ነው። "የኛ ነገር አንድ ላይ ተጋግዘን ማደግ ነው" በሚል ጠንካራ መርህ፣ ሌሎች ወገኖቹም ወደዚህ አዋጭ የትራክ ቢዝነስ ውስጥ ገብተው እንዲለወጡና እግራቸው እንዲጸና መንገድ እያሳየ የጓደኝነትን እና የወገን አሳቢነት ጥግ በተግባር እያስመሰከረ ይገኛል።
በሰው ሀገር ላይ እንደዚህ ተባብሮና ተደጋግፎ ማደግን የሚያህል ትልቅ ስኬት የለም። ከባዶ ተነስቶ ለዚህ ትልቅ ደረጃ የደረሰው ወንድማችን ታሪክ ለሁላችንም ትልቅ መነቃቃት የሚፈጥር ነው! ትጋት፣ ጽናት እና ለወገን አሳቢነት ሁሌም ያሸንፋሉ! ✨
